تاريخ الاضافةتاريخ التعديل
الإثنين، 30 ديسمبر 2013 08:34:35 م بواسطة حمد الحجريالإثنين، 30 ديسمبر 2013 08:35:30 م
0 520
حكم القدر
حان الوداع اللي مقدر ومكتوب
حكم القدر فينا حكم بالوداعي
ترجمتها بابيات والقلب معطوب
وحروفها ممشاي والشطر باعي
قصيدتي فصلتها للجسد ثوب
وخذت منها لسفينه شراعي
نويت اسافر واترك الحب واتوب
معاد لي في الحب والناس داعي
اللي تقول الحب بلسان مكذوب
صادت من اسمه مثل صيد السباعي
وانا على ذا الحب كاسب لي ذنوب
حتى الوفا بالحب ماله مراعي
غيري على ذنبه تهنى بـ محبوب
وانا كسبت الذنب والعمر ضاعي
يالله تستر لو بدى بي عذروب
راع الهوى مفضوح سره يذاعي
اخلصت انا للحب واصبحت مغلوب
شفت المهونه يوم مالي مداعي
قعدت انا وحدي وحيدٍ ومنهوب
اشكي فؤادٍ لاعه الهم لاعي
واشكي من اللي ادعج العين رعبوب
لامن طرى لي ذايب القلب ماعي
نويت اسافر واهجره بس باسلوب
ارسله ابياتي وتاصل بساعي
إسم الشاعرالبلدإسم القسمالمشاهدات
سلطان عتيق الحربيالسعودية☆ دواوين الأعضاء .. عامِّي520
لاتوجد تعليقات