تاريخ الاضافةتاريخ التعديل
الأربعاء، 1 يناير 2014 11:34:54 ص بواسطة سلطان عتيق الحربيالسبت، 1 مارس 2014 07:28:28 م بواسطة سلطان عتيق الحربي
0 626
حنين القلب
حن الخفوق اللي فقد شوف غاليه
اللي على غاليه يشفق ليا غاب
على غيابه مانقص من معاليه
ولو طال بعده خافقي عنه ماتاب
كمل ليلة(ن)بالحلم زوله اناجيه
واصحى على واقع دموعي بالاهداب
شابت قوافي خافقي يامحاكيه
ياليتني من باقي اهله والاصحاب
اشوف طيفه بالخيال واراعيه
وانا اعرف انه كذب والوقت كذاب
اسرف في بعده والضماير تناديه
والقلب من طول العنا اليوم منصاب
عنيد واعند منه مافيه مافيه
لو قالو ان الموت بعدك بالاسباب
يصبر ولا يكسر عناده لداعيه
لو جيته اترجا وابكي على الباب
ياويل قلبي منه ياكثر مابكيه
والموت ظني فيه ماخاب ماخاب
انا على شوفه خفوقي هقاويه
ينزف له ابيات الظماير بالاسهاب
عيا يحن ويكسر الشوق باقيه
ولو انكسر يبقا يعاند ولا هاب
ماهمه اللي في حبيبه يسويه
المشكله جاهل ولا يحسب حساب
إسم الشاعرالبلدإسم القسمالمشاهدات
سلطان عتيق الحربيالسعودية☆ دواوين الأعضاء .. عامِّي626
لاتوجد تعليقات