تاريخ الاضافة
الجمعة، 3 يناير 2014 06:25:34 م بواسطة سلطان عتيق الحربي
0 501
بين الامل والياس
بين الامل واليأس والله تعلقت
واحترت واحتار الفكر باقرب الناس
ياليت همي لاتزايد به ايقنت
ان الفرج قرب ولاهو بوسواس
بين الامل والياس حالي غدا زفت
كني سجينٍ زاد همه مع اليأس
عليه حكم اعدام صدر ولا بت
عايش حياته بين همٍ وهوجاس
يبكي دموع اليأس ويا الامل جت
بينه وبين اللي يبي صار حراس
يقول شاب الراس واليوم شيبت
من كثر مسمع قولة الناس لاباس
وانا من همومي وحالي تعلمت
ان الصبر نعمه وحكمه ومقياس
اقولها والله يشهد ليا قلت
ماني من اللي قالها مثل الانجاس
كلام مجلس ماحسب له ليا قمت
ماهو بحبرٍ قيل من فوق قرطاس
يالله يلي تعلم الحال بس أنت
وحدك عليمٍ بالمشاعر والاحساس
ترفع عن اللي حبه اليوم ادمنت
هذاك راس المال والحال والساس
إسم الشاعرالبلدإسم القسمالمشاهدات
سلطان عتيق الحربيالسعودية☆ دواوين الأعضاء .. عامِّي501
لاتوجد تعليقات