تاريخ الاضافةتاريخ التعديل
الأحد، 5 يناير 2014 07:51:49 م بواسطة حمد الحجريالإثنين، 6 يناير 2014 08:27:11 م
4 1311
طبعي مزوح
طبعي مزوح وما أتعدا به حدود ،
وما أمازح إلا من عطاني الميانه
مزحي مع الغالي يقربه لي زود ،
وإذا تضايق ضاق صدري عشانه
وما ابادل الغالي اذا صد بصدود،
أستسمحه و أرضيه و أعز شانه
وإذا عرف قدره معزز يبي يعود ،
على الرفيق إلي على الجد صانه
وانا على ممشاي أتبع خُطى العود،
واضح و مبعد عن دروب النتـانه
واجود في خوة هل الطيب والجود ،
و الصاحب آشوفه بعيني أمانه
محفوظ قدره غاب او كان موجود ،
و يبقى مكانه دايمن هو مكانه
و المزح بين الي يمونون محمود ،
بس المهم يكون طالع ب اوانه
ويكون بحدود الأدب مابه لهود ،
ويكون مبعد عن حدود الإهانه
و المزح باليدين صاحبه مقرود ،
له يوم يلقـى من مزوحه إدانه
والفاهم اللي ما تعدا به حدود ،
حافظ قدر نفسه وصاين لسانه
إسم الشاعرإسم الكاتبالبلدإسم القسمالمشاهدات
ماجد الحجريماجد الحجريالسعودية☆ دواوين الأعضاء .. عامِّي1311
لاتوجد تعليقات