تاريخ الاضافة
الإثنين، 6 يناير 2014 09:19:40 م بواسطة امجد الدبيسي
0 486
خارج السرب .....
يامدلله توّك صغيره على الحب
وقلبك رهيّف مايتحمّل عذابه
كانك تربيتي على المزح واللعب
اللعب في هذا الزمن للذيابه
ابنصحك نصيحة الأخ والأب
ومن قبل ماعمرك يضيّع شبابه
خلّي رقيبك بين هالعالم الرب
حنّا بزمان اتقل فيه الرقابه
وان كان نهج الغيد في متعة القلب
خلّك على نهج النبي والصحابه
ثم غرّدي يا مدلله / خارج السرب
دينك غريب ,, وزوّديهم غرابه
من يتبع الأهواء بالنآر منكب
غير النقا .. لايفتح القلب بابه
وكانك فهمتيْ النار وشلون تنشب
خلّي السؤال اللي يضرك جوابه
تبقا الوقايه خير من جرعة الطب
ويبقا العنا لإنسان مغرم صبابه
يا مدلله تعبت من سيرة الحب
وماعاد فيني حمل اجاري عذابه
إسم الشاعرإسم الكاتبالبلدإسم القسمالمشاهدات
امجد الدبيسيامجد الدبيسيالسعودية☆ دواوين الأعضاء .. عامِّي486
لاتوجد تعليقات