تاريخ الاضافة
الإثنين، 6 يناير 2014 09:24:02 م بواسطة محمد ابو يوسف
0 390
رِمَّه
ياللى رِمَّه فوقيها عِمَّه
رِحْتَك فاحت ف الزمان
حِلفْتْ لك مليون يمين
أنك أنت خسيس جبان
إنت أيه يا واد بَجَمْ
ولَّا مَسْ من شيطان
مش يِكْفى شعبى اللى انقسم
وانت بتعين اللى خان
البلد صِبْحِت حزينه
والعداوه بقت متينه
والدِّماء ماليه المكان
العَرْبَدَه صارت جنون
والمَبْيَدَه هيا القانون
خَلَقْتو شعب من الحمير
ماليه دُنْيانا نِهِيْق
لم تِغْضَب يوم ولم يوم تغير
ماشيين وراه ولا يِدْرو شىء
العيب دا منك يا خسيس
ولَّا أيه صاب الوطن
نَزْع دِينَّا م النِّفوس
كَنَزْع روحنا م البَدَنْ
ياللى مش شايف كلاب
دايره تِنْهَش ف البنات
وكل يوم بِتْموت شباب
وعايزه تِجْبِرنا السُّكات
ياللى عزلت لنا الرئيس
ومش ف سِر لكن عَلَن
واللهِ ولا مليون لَمِيس
يِمْحو ف يوم حب الوطن
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي390
لاتوجد تعليقات