تاريخ الاضافة
الثلاثاء، 7 يناير 2014 04:59:41 م بواسطة ماجد الحجري
3 724
عزيز النفس ..
عزيز النفس له حِشمه مع القاصي على الداني
واذا بيطلب طلب شخصٍ ضمن كل العطا مِـنّه..
وأنا مَ اطلب سوا مره و لو طالب من اخواني
وأشوف الشي بالإلحاح / أكيد إبـ تتبعه مَـنّه..
وانا لو جيت ابي أطلب أبطلب شخص أغلاني
لأن مهما يكون الرد أبد ما يسبب الـونّـه..
وهو يدري (بمطلوبي) غصب يطلع من لْساني
و لكنه سكن بالي و زاود بالفكر زنّـه..
وانا لو خاطري ذايب يبي حاجه و عَـنّاني
اذا ما جت بطيبة نفس ترا الله الغني عنّـه..
بعض لـَ شيا بحزتها حلاوتها طعم ثاني
واذا هو ظن بعد مده تفرحني خطآ ظنّـه..
يعوف الخاطر أشياءه وينسبها لغرض فاني
لو انه ميتن فيها و لو أشواقه يحدنّـه..
وذي نفسي غصب عني بفطرة رب أحياني
وكثر ماهي تعنيهم كثر مـَ تْـزيدني كَنّـه..
وانا ما تنلوي ذراعي لو انه هالقمر جاني
لأن ما يجذب انظاري جمال بروح بتمنّـه..
انا يدخل بقلبي من عرف وشلون يقراني
ومن حلو التعامل له اساس بسحره وفَنّـه..
إسم الشاعرإسم الكاتبالبلدإسم القسمالمشاهدات
ماجد الحجريماجد الحجريالسعودية☆ دواوين الأعضاء .. عامِّي724
لاتوجد تعليقات