تاريخ الاضافة
الثلاثاء، 7 يناير 2014 05:27:08 م بواسطة ماجد الحجري
3 843
ماهو حلا .. كل ما زعلنا تغيبين .!
ماهو حلا .. كل ما زعلنا تغيبين.!
ونبقا كذا بعنادنا .. نموت حَـرّه..
وادري نهايتها .. ابرضى وترضين
لكن على ابسط شي ..(ليه إنتشرّه).!
ولازم اعـدي لك وانتي .. تعـدِين
عشان ما تنعـاد .. في كل مره..
من يومها ضايق تقل شايلن دين
و ضيقي مع الايام يزداد شره..
واليوم : مثل الأمس ، طيب وبعدين.!
وإليا متى و ذا حالنا .. في مقره.؟؟!
تخيلي / لو حـالنا دايمن زين
و تخيلي / أوضاعنا مستقرّه..
كان إنتربع فوق عرش السلاطين
ونعيش لحظات الفرح والمسرّه..
وكان إنزرع للحب ورد وبساتين
وانسى حياةٍ دون لقياك مٌره..
ودام الغلا بقلوبنا .. ليه تقسين؟!
وليه الزعل ما بيننا .. بس نكـرّه.!
خلي عنادك .. يا بعد نور هالعين
عشان أشوف أفراحنا مستمره..
إسم الشاعرإسم الكاتبالبلدإسم القسمالمشاهدات
ماجد الحجريماجد الحجريالسعودية☆ دواوين الأعضاء .. عامِّي843
لاتوجد تعليقات