اليوم ماهو بامْس وبكره ماهو اليوم | |
|
| واللي معه عقله يقيسه ي عزام |
|
نمشي مع الأيام والراس منجوم | |
|
| منا بلانا ونشتكي بيض الايام |
|
الوقت منا ضاق والليل مهموم | |
|
| والشر فارس فيه والخير منضام |
|
والعزّ حرٍّ عشعشت فوقه البوم | |
|
| والذلّ بوم وفالشواهيق حوّام |
|
والفكر سلعة ربحها باول السوم | |
|
| والربح حلوى العيد بشفاه الايتام |
|
والجهل امير فكل الامور مخدوم | |
|
| والعلم شيخ اعمى تمشّيه الاقلام |
|
والراي ضايع بين الامداح واللوم | |
|
| وْفي كل وجهات النظر حزب وخصام |
|
والحلم طفل وعن ملاهيه مفطوم | |
|
| والعجلة اطفالٍ تسابق على اوهام |
|
والمدح سيلٍ منحدر ما له غْيوم | |
|
| والذم نار المصلحة تضرم اضرام |
|
والجرح عرق من الاحاسيس معدوم | |
|
| والصبر شوك وينقشه كل الاعوام |
|
والعدل رجل ولا له اعوان مظلوم | |
|
| والظلم قاسي يحيي جْروح وآلام |
|
والحق شمس ونورها منه محروم | |
|
| والباطل ارخى سترته فوقها ونام |
|
والحرب بحر ويدخله جاهل العوم | |
|
| والنصر مرسومٍ على مرسى الاحلام |
|
واسم القبايل والنسب عقّب نْجوم | |
|
| والفخر فيها ما تكفّيه الارقام |
|
والمجد بانياب العرب مات مسموم | |
|
| بعض العرب رقطا وبعض العرب هام |
|