ابني قصيدي .. كل ما يرتفع بيت | |
|
| فزّت له حروفي وشدّت فالاطناب |
|
وْصارت تعلّى في فضاها وتعلّيت | |
|
| والكل منا يزحم النجم باعجاب |
|
تسبق وانا اسبق بعض الاحيان وفزّيت | |
|
| وْحطيتلي باعْلى نجم فيه مرقاب |
|
ماياصل الا قرم لامن تعزويت | |
|
| يرقى العوالي والردي شافها وهاب |
|
وْعلقت لي في كل نجمٍ تعدّيت | |
|
| أروع قصيدي بالذهب نقش وخضاب |
|
اقواهن القاها على كف عفريت | |
|
| واقرب من شداد المطية للاركاب |
|
واسهل من اللي جا يسلم وردّيت | |
|
| يوم انّها تصعب على عكف الاشناب |
|
واهونهن اللي يوم وصلت تغنيت | |
|
| فلّت جدايلها .. لها النجم لعّاب |
|
وْحين انتثر من لهفتي به تذرّيت | |
|
| وْغارت نجوم الكون ثم جتني اسراب |
|
غطى سواده ظلمة الليل ولا ريت | |
|
| ضيّعتها واستوحشت فيّ الاعصاب |
|
لولا المزون اللي بشهدها تغذّيت | |
|
| وْلولا ثغرها بان من ضحكة الناب |
|
مزيونةٍ لو رحت عنها لها جيت | |
|
| وْهي ماتبى غيري ولا غيرها ناب |
|
في طرْفها الأيمن خذتني وتواريت | |
|
| نخفي مشاعر حبنا خلف الاهداب |
|
وْفي طرْفها الأيسر خذتني وتمشيت | |
|
| نقطف زهور العشق لين الهدب ذاب |
|
من بعدها حالي انكشف لو تتقّيت | |
|
| كلٍّ قرا القصة ودوّن لها كتاب |
|
وْعوّدت مع دربي .. على الغيم مريت | |
|
| ودي اشوف البرق خابر له اسباب |
|
ضحكة مزون تصطفق دون توقيت | |
|
| تنثر بردها والشفق وسطها غاب |
|
وْجمرة فراق من بعد ما تهنيت | |
|
| نارٍ توقد فالحشا والرجا خاب |
|
يكفيني منها بسّ لا من تدفيت | |
|
| خفّفت عن نفسي همومي والاتعاب |
|
وْحوّلت مع غيثٍ على ديرةٍ ميت | |
|
| يسقي منابتها من سهول وهضاب |
|
واسقي حروفٍ عِطْش مما ترويت | |
|
| والحرف لا زيّنت منشاه لك طاب |
|
وامشي مع دروب المعزة .. تقديت | |
|
| بالفكر مع خوة مهوّنة الاصعاب |
|
خوّة رجالٍ فالزمن جالهم صيت | |
|
| ماينكسر خويهم لو بها ارْقاب |
|
مشوار عزٍّ من مشيته توليت | |
|
| نظم القوافي لين صارت لي ثياب |
|
ماهي سوالف فوضوي لا يا بالفيت | |
|
| وْلا هو تمني .. والأماني لها باب |
|
لو التمني ينفع الناس يا ليت | |
|
| ابقى على طول الزمن والعمر شاب |
|
واعبد إلهي كل ما اصْبحت وامْسيت | |
|
| حتى أفوز بمغفرة رب الارباب |
|
وان كان ذا ما صار لا ماتمنيت | |
|
| ضاعت حياتي فالهوى والعمر شاب |
|