تاريخ الاضافة
الأربعاء، 8 يناير 2014 07:45:57 م بواسطة عبدالعزيز الشاطري
0 310
قلبها عربون
على شاطي الرايس غرام الظبي مدفون
سقى الموج عرقه كل ما هبّت رياحه
نبت له على ساس اللقا والوصال غصون
نجدّد به الذكرى ليا جات سوّاحه
خذتني وانا مدري رياح الهوى بالهون
جنوبيةٍ مرباعها من ورى الباحه
عليها ثقل ما هزّها العاقل الملسون
خفيفة ليا طير الهوى رفرف جناحه
وانا لو اقول الراي والشور .. فيّ جنون
ليا شفتها .. طفلٍ تدفّه بمرجاحه
من اسباب ليلة صار قلبي لها مرهون
يعاني من جروحٍ تسابق لها ارماحه
جلسنا على شاطيه من بعد ما يمسون
عربها وعربنا والمخاليق في راحه
عطتني على حساب الهوى قلبها عربون
وانا اعْطيتها كلي والاشواق مرتاحه
وْسقتني على كاس الغرام الشهد موزون
على رجعة المصياف قفله ومفتاحه
واخذنا مواثيق المحبة وعد مضمون
على سرّها المكتوم ما بان مصباحه
سقى الله مكانه لا ركد موجه المشطون
ولا ثار موجه كل الاشواق تجتاحه
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. عامِّي310
لاتوجد تعليقات