عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالعزيز الشاطري > يامحمد بن الذيب والله مظلوم

السعودية

مشاهدة
779

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

يامحمد بن الذيب والله مظلوم

يا محمد بن الذيب والله مظلوم
حكم المؤبد قصّ فالشعر جيده
بين المحاكم والقضية على السوم
والحكم جاير والقضية قصيده
ان قلت وان ما قلت واضح ومفهوم
لاهل العقول العارفة والرشيده
فوق الربيع اليعربي هلت غيوم
والموت دون الحق ياطى وريده
والناس توّ الحين تصحي من النوم
كلٍ يبي ياخذ نصيبه وفيده
وانته تقول الحق والحق مرسوم
بين العقول الفاهمة والبليده
يوم انّ معيار الحقيقة على اللوم
والزور معياره شجاع ووليده
وقتٍ كفانا الله شره من القوم
اللي على احراره تقدّم عبيده
وين الدمقراطية اللي لكم دوم
نادوا لها والراي فكر وعقيده
لا واخسارة شعر بالمدح موسوم
لو مات شيخ القوم قالوا فقيده
بعض العرب بالشعر وصّلته نجوم
واليوم وقت العوز غايب بريده
الشعر ما يرفع مهابيل ورخوم
وْلا نزّل اللي شبْحهم للبعيده
يالذيب تبقى ذيب لو صرت محكوم
وابالحصين يدوج في خضر بيده
والحرّ ما هاب الغرانيق والبوم
في كل مرقابٍ يعشّيه صيده
لا شك تمسي بك وتصبح بك هموم
والحكم ماضي فيك ظلمه وكيده
محدٍ ورى القضبان مرتاح لو يوم
يا جعل قاض الظلم تنشلّ إيده
محدٍ يلومك وانت قرمٍ من قروم
للحق قلت ولاانْت هايب وعيده
كم من سجينٍ دونه شهود وختوم
بالظلم يوم العدل مقفول حيده
اليوم قول الحق والصدق مفطوم
والكذب والباطل لهم درّ ديده
والفكر بين الناس والعقل موهوم
والطيش صاحي والخفايف شديده
والوقت من بعض البشر صار منجوم
والشر فوق الخير في يوم عيده
لا بد ما يظهر لك الحق وتقوم
لو زاد همّك والليالي عنيده
اصبر وربك يفرج لكل مهموم
لو قيدوه الناس ينفك قيده
عبدالعزيز الشاطري
التعديل بواسطة: عبدالعزيز الشاطري
الإضافة: الأربعاء 2014/01/08 11:46:41 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com