تاريخ الاضافة
الأربعاء، 8 يناير 2014 09:33:35 م بواسطة عبد العلي فيلالي بالحاج
0 207
احسن الظن بالله
ما تلومني ابنتي ماتعاتب عليا
ما يعذرني غير لي مجرب لوحدانيا
كل واحد وليفو عندو
ايلا راح الليل يلقى حضانو تدفيه
انما بنادم كلها وسعدو
ولي ما جرب لفراق لهلا يوريه
ما عانيت بالفراق وما جرا بيا
حاولت نكون معاك اب وام
ونعوض لك حنان فقدتيه بكري
ونسمع كلام بحال السم ملغم
وبحالي مرتاح وانا نخدم ونجري
وكلها يروي ويحكي حكايا عليا
قلت زواج لحلال نستر بيه راسي
بولد الناس نقاد معاه الميل
حبيتو بكل جوارحي واحساسي
انما لي بغيتو شفت معاه الويل
ومشى وخلاني انا وياك خطيا
ضاق بيا حالي انمادوامو محال
رجايا فالله ما يخيب يكمل لي مرادي
يعوضني ونلقى لك سيد الرجال
ونشوف ولادك ونخاويك باولادي
غير احسن الظن بالله والنيا
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. عامِّي207
لاتوجد تعليقات