تاريخ الاضافةتاريخ التعديل
الجمعة، 14 مارس 2014 06:17:04 م بواسطة حسن إبراهيم حسن الأفنديالجمعة، 14 مارس 2014 07:47:07 م
0 286
حليلو
نهارك يا حبيبي سعيد
ويوم ألقاك يبقى العيد
معزز في قليبي وحيد
وما في شك مع التأكيد
وقلي كيف نعيشه نهار
وليلنا ساعاته بس مليار
بعدك صدري ولع نار
وأصبح بيتنا كله ودار
حليلو الفارق أم درمان
وخلى للحسن عيان
حليل الكان وكان أو كان
دي شوفتك تشفي للمرضان
سافر غادر أم درمان
والله بعده ما في أمان
متين ترجع إلى السودان
حبيبك في انتظار عجلان
ساب النيل بقى عطشان
ونحن في هموم ألوان
طاف دامرنا ,بورسودان
عدى الأحمر المليان
حليلو القام لجدة سعى
وفارق بيتنا في التاسعة
بكت أم در وحش سابعة
شال النور طفى الشمعة
حبيبنا الغالي كيف أصبح
خلّى للجروح تنتح
شال الريدة شاله فرح
وشوف كيف لي قليبي جرح
محال يا حبيب أنساك
وكيف الدنيا تبقى وراك
بحبك ما بدور لسواك
وراجي عوْدتك ألقاك
قليبي السار معاك يا فلان
وخزّن للهموم ألوان
دموع الطرف في هميان
متين يا ربي ألقى أمان
جروح الناس قليلة كمان
وجرحي رجح الميزان
تعال في الطيف تزورني كمان
تلقى بصدري ألف حنان
حليل البسمة يوم ما كان
يجيني في الصباح فرحان
ويملا البيت فرح نشوان
غريبة الدنيا يا حبان
صباح الخير على الحلوين
متين يا ربي مجتمعين
يفرهد روضنا بالياسمين
ونحيا الفرحة تاني سنين
القطر اليودي يجيب
وليك يا أعز وأغلى حبيب
ما إنت الشراب وذبيب
وإنت لي قليبي طبيب
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي286
لاتوجد تعليقات