انا اللي لاحضر والجو طاغي من جنون الشوق | |
|
| يسلطن بالجنون احساس .. كل الشوق سلطانه |
|
على كل الجنون جنون .. يطغى لاحكمت الذوق | |
|
| وخمر معتق المعنى .. تشوش الراس قيفانه |
|
سقينا العشق من كاسه .. بخمره لين عيا يفوق | |
|
| سنين وكل ماشفته .. يجر خطاه سكرانه |
|
رفع مستسلم الرايه .. يبينا ننهي الطاروق | |
|
| وانا لرهى .. شعبت اللي صهيله مطلق عنانه |
|
تحت رحمة ولي العرش .. ثم اللي لهم محقوق | |
|
| يوفي دينه المديون .. بالموعد لديانه |
|
بعدها للعلوم علوم .. فيها حاضر ومفهوق | |
|
| بعد مايرفع المعروض .. باعذاره وعنوانه |
|
واشوفه لاصفا جوي .. بصدق الحرف والمنطوق | |
|
| ولايشمله عفو ان كان .. ماوفى الكيل ميزانه |
|
انا عمري ضناه الشوق .. واللي قد بقى محروق | |
|
| وعشت العمر كني شخص .. متغرب عن اوطانه |
|
ترجيته وعيا .. يقنعه ماقد غدا مسروق | |
|
| وهذا هو يترجا .. واسيرٍ وسط زنزانه |
|
حكمته والحكم وافي .. بحق العشق والمعشوق | |
|
| وبنصاف العداله .. اجمع التصويت وادانه |
|
عليه اجمع ولاخالف .. بعد حكمي ولا مخلوق | |
|
| حسب تشريع متسلطن .. حكم بالعشق سلطانه |
|
وفا بالعشق ماخانه .. ولاله بالردى والبوق | |
|
| نزيه الذات .. لو فجر جنون الشوق بركانه |
|
حلاة العشق وجنونه .. جنونٍ للجنون يتوق | |
|
| على خمر اللقا يسكر .. عناق الشوق باحضانه |
|
الا يالذة الاشواق .. ومعانق بدا برفوق | |
|
| بدا باسلوب يشعل .. ثاير الاحساس وجدانه |
|
عليه النوح والمعنى .. وخافي بالشعور يشوق | |
|
| يشوق بكل مايعني .. جنون الشوق وجنانه |
|