تاريخ الاضافة
الأربعاء، 10 سبتمبر 2014 03:36:10 ص بواسطة أحمد الظفيري
0 274
هيه يا عيال
يا بنت كافي تسئليني عن الحال؟
وعلوم ناسن بالمراجل ذليله
يومن يشب الليل فيني بفنجال
بفعال ناسن للمراجل فشيله
همي تقهواني وقهواني دلال
والليل عزاني وجاني يشيله
يوم الصبر اول تحسنه جبال
كان الصدى بفزعه وناسن جزيله
يوفي العهد واسمه صدوقن ورجال
هيبة اسد ماشي وكلن يجيله
ما يقعد بمجلس هفت فيه الانذال
كنه نجم ماسي وشيخ القبيله
والصقر ما ياكل سوى دم سيال
محشوم والهيبه بغيره قليله
ما شاخ في حيله ولا بجمعة المال
لكن سرى يبني شموخ الفضيله
واليوم يا بنت الحكي صار بريال
بيعة كلامن تشتريها مثيله
كن المراجل صابها اليوم زلزال
محدن يداويها وصارت هزيله
وافلام هرجتها خيالن وتحتال
ذلت مجالس في حكاها عليله
لو شافهم شايب صرخ هيه يعيال
لو هو الشنب طايح رجاهم قتيله
وشوله احكي والخفي عيب ينقال
يوم المراجل تشتكي مافي حيله
إسم الشاعرالبلدإسم القسمالمشاهدات
أحمد الظفيريالسعودية☆ دواوين الأعضاء .. عامِّي274
لاتوجد تعليقات