عناوين ونصوص القصائد   أسماء الشعراء 
شعراء العامية في العصر الحديث > العراق > كاظم إسماعيل الكاطع > مامرتاح

العراق

مشاهدة
48305

إعجاب
125

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مامرتاح

مامرتاح
عيوني تستحي بس الدموع اوكاح
مامرتاح
منٌك
منٌي
من الجاي من الراح
مامرتاح
عركه وي الزمن ورجعنه مكسورين
وبعيده المسافه وينسي اللي طاح
مامرتاح
لأن شفت الشمس نزلت تبوس الكاع
وبجف الطفل تنلاح
ولأن قاضي البلابل مدد التوقيف
ومفتوحه السما
والفيل عنده جناح
مامرتاح
لأن قفل المحبه إنباك
وترهم عليه مفتاح
مامرتاح
متروك بجزيره وتيهت بالليل
واجو ربعي عليه بقافلة اشباح
وانت اشبيك!!
لمن دافعت عن نفسي صابك غيض
مو حتى الكنافذ من تحس بالخوف
تستخدم جلدها سلاح
مامرتاح من ربعي ولامرتاح
تمساح بنهرهم صاحوا من الخوف
وجازفت بحياتي من سمعت اصياح
صارعت المنيه وبيده هزني الموت
ومدمى اطلعت
صفكوا للتمساح
كل هذا وتريد ارتاح
مامرتاح
ولا جن الفجر مثل الفجر محبوب
لون الفجر صاير يقبض الارواح
رجعت الستاره بحركه عالشباج
ورثيت الورد وبجيت
من شفت الندى فوك المدافع طاح
قل شوف السفينة والضباب يزيد
وسيوف الملامه بجلوة الملاح
ياسن الصخر وتكسرت بالروج
مو كنت بزمانك ترهب السفان
مامرتاح من ربعي ولامرتاح
نادووني وركضت ابليل
ايد الرسن بيها وايد بيها سلاح
عثرت مهرتي وربعي قبل ما طيح
واحد كًال للثاني:
ابشرك طاح
ابشرك طاح
كاظم إسماعيل الكاطع
بواسطة: لا تسولفلي جذب
التعديل بواسطة: لا تسولفلي جذب
الإضافة: الاثنين 2014/10/27 03:37:47 صباحاً
التعديل: الاثنين 2014/10/27 11:12:15 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com