تاريخ الاضافةتاريخ التعديل
الثلاثاء، 28 أكتوبر 2014 01:02:11 ص بواسطة لا تسولفلي جذبالثلاثاء، 28 أكتوبر 2014 06:33:06 م
0 604
ريحة الحنطة
ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه
وراح نوصل ذاك حد السيطرات
وذيج ضوايات المحطه
وين اضمها
لا هوه كتاب ويخليه المسافر جوه ابطـــه
الحمد لله..
الدنيا ليل ونقطة التفتيش سنطه
هاي نقطه ويمها واحد
نقطتين. ثلاثة. خمسه.
ست نقاط ويمها واحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال امن ورجال سلطه
بجرة السحاب شافت عينه نجمـه
وطكته ريحة الحنطــة
ما لكه غير العلم
كلي شيـفيدك
كتله غربه
احنه غربه
ومن نموت هناك جا بيش انتغطه
اخذ للجنطه تحيه وكلي توصل بالسلامه
وهاي اول مره افوت بسيطره
وما انطي رشوه
وتستعد كدامي شرطه