تاريخ الاضافةتاريخ التعديل
الثلاثاء، 28 أكتوبر 2014 03:16:31 ص بواسطة لا تسولفلي جذبالثلاثاء، 28 أكتوبر 2014 06:40:55 م
0 1866
ملفته للأنتباه
مثل شبوي المسه بعطره وشذاه
حبـه حبـه وكطره كطره
وبالرسم طول خلك بيــج الالــــه
صور عيونج مواني
وبيها عاف الليل نومه وذب غطــــاه
من بعيد انتي جميله
من قريب انتي جميله
واكفه تمشين حلوه
والحلو وجهه يبين من كفـــــــاه
عيوني ما تكذب عليــه
العسل يم الاشاره
جدى منـج
كسر كلبج
واخذ من خدج حـــــــــلاه
الله الله اشهل حلاه
الشكر ماكان مزروع اعله كـــاع
ارض خصبه للشكر هاي الشفاه
والكلب مدري شجـــــــاه
قبل كنت اكدر عليـــــــــه
الوي اذانه ايخاف منــــــي
وهســه صرت امشي وراه
وهســه صرت امشي وراه
ولا حيــاء في الحب
_ احبج _
خل يحسبوني رجل حن لصــباه
لان ملفته للانتبــاه
**************
سنه اشفافج عله اشفافي
بصراحه الوكت مو كافي
اريد الشته ايصير اربع مواسم
ياحضن دافي
واريد الليل سبع اسنيـــن
والله ايمــوت الغافي
لو طال السفر ويـــاج
من روحي الخدر ينزل عله الرجلين
وامشي اعله الجمر حافي
ولو ميت وامر بشارع امشينــاه
انسه جنازتي وتتحرك اطـــرافي
ولو يطفه الضوه من الصبح لليــــل
عن بيتي تكـــول الناس عنده اكلــوب
ما طــافي
ضـعفني الزمن لكن اكابر بيــج
من صار النهر دهله الربيع الفات
مديــتي اديــج ورد نبع صـافي
سنه اشفافج عله اشفافـــي
بصراحه الوكت مو كـــافي
ارد اخذهــا