بوابة الشعراء
Toggle Navigation
الشعراء حسب البلد
0
لديك 0 رسائل جديدة في صندوق بريدك
عرض كافة الرسائل
0
لديك 0 إخطارات جديدة
تسجيل الدخول
القائمة الرئيسية
تسجيل دخول الأعضاء
يبدأ بـ
يحتوي على
ينتهي بـ
اسم الشاعر
عنوان القصيدة أو نص القصيدة
عنوان القصيدة
نص القصيدة
☆ شعراء العامية في العصر الحديث
> العراق
> ديوان كاظم إسماعيل الكاطع
> قصيدة: مره مره
تاريخ الاضافة
تاريخ التعديل
الثلاثاء، 28 أكتوبر 2014 09:32:40 م بواسطة لا تسولفلي جذب
الأربعاء، 29 أكتوبر 2014 06:34:04 م
1
1269
مره مره
مره مره عشرتي وياك مره
ومن اريد انساك
يمنعني الكلب
ويذبله حســـــــــره
ومن اريد انساك
يعرضلي الدرب
ويكلي الك خطوات
ذكــــــــــــــرى
ومن اريد انساك
تذكرني الملامه
وشنهي ربحي وياك
واللي مادروا كالو
تخســـــــــــــره
انه شنهي الماخسرته وحتى اخسره
ويانهر يعتب عليه
حتى بجناح الكصب روجات اعبره
وياجبل يصعب عليك حتى اذب حبال روحي
اكصايب اعلى جتاف صخره
وياعظم تتصوره التم
حتى يم بابك عشر كسرات
اكســـــــــره
مره .. مره
والمراره اتزيد لليمشي ابجزيره
وما لكه وسادة محبه اتريح
ظهـــــــــــره
والمراره اتزيد للما يلكه ظل
وينتجي اعله الشيب عمره
ويا جمرتي الماطفت
حسبت يطفيها دمعي
ثاري دمعاتي اعله خد النار شذره
انته من دكيت بابي
جبت وياك الحزن خطار ماين
والفرح طلعته بره
انه من شكيت زيجي احتركت ايدي
وانته من شكيت زيجك شفنه كمره
كان عمري نهر صافي
ومايه غافي
وخنجرك مثل البلم بالليل طره
ويانهر والحسره حسره
كون اشوفن سندبادك
شايل اعله اجتافه جزره
بكلبي حسره
كون اذب ثوب الحزن وانه بشبابي
والحزن عالخد اســـــطره
هيه حسره وامنيه نسميها فكره
كون اشوفن سندبادك
شايل اعله كتافه جــــــزره
كون اشوفن مريمك ما بيها لولـــه
ومن صدك نلكاها عــــــذره
هيــه حسره .. وعشره مـــره
والمراره اتزيــد للما يلكه فــي
وينتجي اعله الشيب عمـــــــره
القصيدة السابقة
القصيدة التالية
☆ شعراء العامية في العصر الحديث
إسم الشاعر
البلد
إسم القسم
المشاهدات
كاظم إسماعيل الكاطع
العراق
☆ شعراء العامية في العصر الحديث
1269