تاريخ الاضافة
الإثنين، 24 نوفمبر 2014 05:14:27 م بواسطة هلال العتيبي
0 207
حياة الصعاليك
من قال ابي غيرك ومن قال ماابيك؟
وانت الــذي بيحــت مكنـون عيني
مع كل خفقة داعي الشوق يدعيك
وشلــون الـــوّح للــــوداع بيدينـــي
روّضنــي الوقــت العنيــد وتغليـــك
ياللــي تمخطــر بالغــلا فالوتينــي
طشيت غيم الشوق واسقيت اراضيك
طاريــك يستسقــي سحابـة حنينـي
ماغيــر الاحــي نايحــات الشبابيــــك
طيــرٍ بمكلـــوم اللحــن يبتلينــــي
واقرا بلهفــة عن حيـــاة الصعاليــك
دربٍ مشوه بكــل اسف يحتريني
اخذتني منّي وانا جاي ناصيــك
جيتك قبل مرسول قلبـك يجيني
واليوم هذ انا على حطّة يديـك
القيظ قبل اروى قراحــك رويني
بين الدروب انظر صباك وعواليك
لعـــل نسمــة باردة تحتوينــي
اليا نخيتك بالغـــلا قول لبيـك
وان ماتبيني حتى انا (ماابيني)
ياحي هاجوسٍ يجيني بطاريك
انحاش به واسج بينــي وبينــي
عل وعسى اكتب بيت مرمــوق يرضيك
يبقى اسواة الوشم فالساعديني
احلى الفرايد صاغها هاجسي فيك
ماكنهــا الاّ النيــل او الرافـدينـــي
واحلى الوصوف النادره منك واليك
كنــك سهيــل ودونك الفرقدينــي
والبــدر ماله طاري بعين مغليــك
انكان ماهو مــن جبينــك يبينـــي
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي207
لاتوجد تعليقات