تاريخ الاضافة
الجمعة، 2 يناير 2015 03:31:55 م بواسطة هلال العتيبي
0 243
وصالك
خـذ مابدالـك وأعطنـي مابدالـك
دام ان قلبي عنـد قلبــك رهينـه
شعوري وشعري تراهـا حلالـك
والقلـب خفقاتـه فداك وحنينـه
ماينحسب من عمري الاوصالـك
واللي بقى مابنشد الريح وينـه
مير انت لا تدني دليْك وحبالـك
الٌا لقلبٍ زارعــك فــي وتينــه
الله عــلى سطـوة بهــاك ودلالك
وروضــك وجوريّــه وياسمينــه
ماكنك الا النجم في ليل حالك
والا السحاب وبارقٍ في جبينه
لك في شراييني شعوب وممالك
ياساكـن شمـال الخفـوق ويمينه
تعال في موكــب يليـق بجمالـك
ل واهبــك قلبـه وروحـه وعينـه
وان رحت أبد ماني مدور بدالك
حتى لو انه يكسف الصبح زينه
كيف اعتذر من قلبي اللي وفالك
وشلون اغيّر دفتـه عن ضنينـه
ومنين اجيب احساس وانت ب لحالك
اخذت احاسيسن تكفّـي مدينـة
يعوضني عن حب غيرك خيالك
القلب مستسلم ورافع يدينه
وش له بكيفٍ ماتحوفـه دلالـك
لو زعفرانـه بالذهـب مشترينـه
قلبٍ مع الصدة بقى في مجالك
مايرخص الغالي ويرخص ثمينه
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي243
لاتوجد تعليقات