تاريخ الاضافة
الجمعة، 16 يناير 2015 06:39:05 م بواسطة خلف خالد الربع الشمري
0 250
من الابجديات
نضحك لو انه تصطفق بالغرابيل
و نتنى لو ان الصبر فينا مشيّب
ما يلدنّا اجهام عن سروة الليل
و ننحى حياء عن ستر بكر ٍ و ثيّب
وليا تماهن متن من يرتسي الشيل
نحمي اسم موروث فعله يهيّب
و لا يلهد الرجّال و يبيّد الحيل
ياكود طيّب غار من طيب طيّب
همه خمش موجز يضد التفاصيل
و ذمه على قصد ٍ محال ٍ مغيّب !
نمّه تقرّب مرخي السمع للذيل
دمّه على دمّه حرام ٍ معيّب
خذها نصيحة جيل موروث بالجيل
من راي راس ٍ شوفته ما تخيّب
العز للي ما يحقر الرجاجيل
والنعم للي لكل ربعه قريّب
إسم الشاعرإسم الكاتبالبلدإسم القسمالمشاهدات
خلف خالد الربع الشمريخلف خالد الربع الشمري - ابونجمهالسعودية☆ دواوين الأعضاء .. عامِّي250
لاتوجد تعليقات