لكل حاكم وطن لكن يابو متعب لك الاوطان
|
ضوى قلبك يمر ديار خلق الله وتشرق لك
|
دعاء وحب وعيون ترف وشوفها شفقان
|
لشوفك وانت كل طيب العيون يفز وينظرلك
|
صدى صوتك تمكن واستقر في داخل الوجدان
|
تطمن شعبك وحنا مع هالشعب نسمع لك
|
سماع قلوب ونتهجى تفاصيلك من الاحزان
|
تقول بخير وحنا هم بعد في خير من اجلك
|
وبعد ماوجهك اتبسم وهو المنور من الايمان
|
بعدها كل عرق من لمح وجهك تبسم لك
|
لاصرت الخير وافعالك شموس تضوي البلدان
|
اجل لابارك الله في شعر مايجيك ويكتب لك
|
ولا صرت انت الوحيد اللي يكون الحب لك عنوان
|
تجي قبل الرياض ديار اخو مريم تبارك لك
|
وتتحمدلك بكل السلامه يارفيع الشان
|
وفرح دار الصباح يطير يم عينك يرفرف لك
|
لانك وجهنا المشرق من الإسلام للاديان
|
ولان كل الخصال الطيبه منك وتقرب لك
|
واذا ردت على الاحسان كثير الخير والاحسان
|
كفوف من هنا حتى حدود الصين تدعي لك
|
نحمد الله على كل حال وانت الحال والخلان
|
ويكفي قبل كل هذي العيون قلوب تصعد لك
|
وتدعي لك عساك بخير يا ارحم قلب للانسان
|
وصدق العين يتعانق مع الدعوات ويدمع لك
|
عسى الله يطول بعمرك يابو متعب ترى من شان
|
وصل كل الرجوله يطول عمره سيدي بوصلك
|
لانك من شعل عمر المهابه واوقد التيجان
|
بشموخ نزل علوم الطويلة بعز وتخضع لك
|
تزيد اصلك فعل وتزيد فعل وتكمل النقصان
|
ولا به نقص الا مكتمل من فعلك واصلك
|
تفاصيلك ماهي الا كتاب الصحراء والفرسان
|
وتهاويلك في وسط عقول خلق الله تشهد لك
|
تواصيفك يابو متعب اذا احتارت بها الاذهان
|
ابي تعذر خيال لو يشح ولا وصل كلك
|
ترى وصفك يجي بسنين ماهو في قلم والوان
|
بمعنى سنين خلق الله اذا توصف ماتوصلك
|
واذا ردت علي وصورتك مرت على الاعيان
|
اقول انك من سيوف الامام وسيفه يشبه لك
|
محيط المرجله الهادي ولكن للعدا طوفان
|
ياعلك مثل ما انت بشموخك دوم ياعلك
|
تزوم تقزم اعداءك وتهدي شعبك المرجان
|
تحل الصعب وكل صعب مايقدر يوصل لحلك
|
حفظك الله كثر ما اهديت لبيوت البشر قرأن
|
وحفظك الله كثر ما قلوبنا في حب تنبض لك
|
وحفظك الله كثر ماتمر شعبك داخل الشريان
|
وفينا يكتمل وصلك يصير الشعب وحنا لك
|
لانك غير ولا غيرك توحد في غلا الانسان
|
ولأن في قلبك نعانق معاني الحب ونكتب لك
|
ولان مالك وطن واحد تكون لكلنا اوطان
|
تجي قبل الرياض ديار اخو مريم تبارك لك
|