عناوين ونصوص القصائد   أسماء الشعراء 
الشعراء الأعضاء .. عامِّي > السعودية > لفى الهفتاء > على النوايب يالعبودي

السعودية

مشاهدة
982

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

على النوايب يالعبودي

على النوايب يالعبودي لا اقبلت جعلك قوي
اقبل عليها واستعن بالله واثبت واحتزم
الوقت لو خلّا النوايا المستقيمة تلتوي
ابشر بمن لا قال لك بالطيب كلمة يلتزم
لا حان ميقاف الحميّا راسه الحيّ حْمُوي
ان سار في علمٍ ظفر وان ردّ له رايٍ حزم
لا تشغلك ناسٍ لها في ظلمة الديرة دوي
ذا طبعها من قبل عصر الأنبياء أولي العزم
وانت اعتبر ما قيل لو يحبطْك دعمٍ معنوي
وتشوف وشلون انتصر جنكيز وشلون انهزم
آخر طموح الإمّعة يلبس ثياب الفهلوي
والحرّ عن مثله يشوم ولا غضب مرّة جزم
من تحسب انه نجمٍ اصبر لين بكرة ويْهَوي
تمثيل دور العَملَقة ما غيّر بواقع قزم
حتى ولو لك قلب غاوي عارف ان عقلك سوي
يا شبل من يقلط على العليا طبيعة ويْعَزم
التجربة برهان وافضل درس درسٍ دنيوَي
البعض يستاهل قدر والبعض يبغى له خزم
من لا عرف وجه العدو ما يعجبه وجه الخوي
حتى لو انه مثل اخوه ودون ابن عمّه لزم
العام فوق الحزم دايم نسمع الذيب يْعَوي
واليوم مات الذيب لكن هو بقى عقبه حزم
اقولها والوقت سيفٍ من دمانا يرتوي
ولا نقص من عزمنا بالعكس زوّدنا عزم
لفى الهفتاء
بواسطة: لفى الهفتاء
التعديل بواسطة: لفى الهفتاء
الإضافة: الجمعة 2015/03/20 06:16:48 مساءً
التعديل: الاثنين 2015/03/23 04:46:30 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com