|
يارايح النود في مقدمْك خيرٍ فضيل | |
|
| بيض السحاب ونوايا مثل بيض السحاب |
|
تمطر على قفر بيدٍ غصنها ما يميل | |
|
| تفيض منها الدخيل وترتويها الشعاب |
|
وتجر فيها حمامه طرق مدري هديل | |
|
| وتضيق منها رحاب وتتسع لي رحاب |
|
وأقرا ملامح رحيل اللي يبون الرحيل | |
|
| وأشوف قبرٍ تعّلى فوق روس الهضاب |
|
وأشفق على طبخةٍ تشفي ضمير العليل | |
|
| واصيح ابغى حطب تكفي يا مال الذهاب |
|
ماقصّر البن والشرهه على الزنجبيل | |
|
| لكنّ بعض الزهاب احيان ماهو زهاب |
|
في طرقة اللي مسافر ما لقى له دليل | |
|
| مع انْه في طرقته ياطى كبار الصعاب |
|
منصاه بيتٍ مسودس فيه شيخٍ ثقيل | |
|
| اطناب وسناح وأشدّه ولا فيه باب |
|
وانا نصيته مكرم ما نصيته دخيل | |
|
| وحقي عليه انه يرحّب وحقي مُجاب |
|
شيخٍ ليا دق صدره كن جوده بخيل | |
|
| يقول ابغى أجود الجود والجود هاب |
|
له مدةٍ لا عطى تقول فيديه سيل | |
|
| لكنّ يبغاني اكتب في يدينه كتاب |
|
في ماله تشوف نظرة من فسجنه ذليل | |
|
| وفاسمه تشوف المهابه مثل شوف الضباب |
|
عليه جوخ الامير اللي هداياه خيل | |
|
| مير انه احيان يسري مثل مسرى الذياب |
|
وبحوره يجن سته من بحور الخليل | |
|
| ودروبه سيوف قوم فحرب قوم وحراب |
|
قلّط عليّه فناجيلٍ ثلاثه وهيل | |
|
| ولدّيت له ثم نظر فيّه ونادى ذياب |
|
يا ذياب قله قصيد لجيل عن كل جيل | |
|
| وأذكر بُثينه وعزه بس .. وأنسى رباب |
|
قلت إله يا شيييخ لو تسمع قصيد الضليل | |
|
| اسمع كلامٍ مابينه والفرايد حجاب |
|
واترك قصايد كُثير يوم قلّد جميل | |
|
| وأسمع قصيد العقاب اللي نصى له عقاب |
|
تكفى يا ابو لافي الدنيا نهارٍ وليل | |
|
| تحيك مما ينسُج العنكب حلوم الشباب |
|
وياراس دام ان الحلوم ثياب للمستحيل | |
|
| فصّل من اللاوعي لكتوف فكري ثياب |
|
تعبت وآنا أجر الآه جر السبيل | |
|
| ولا فيه واحد من العالم يدوّر ثواب |
|
ولبست بشت المناوي واثر متني عليل | |
|
| وفتحت في بنك تغريبي لفكري حساب |
|
وقمت آتصدّق على المكسين وابن السبيل | |
|
| وأغنيت ناسٍ منول يطردون السراب |
|
فيني من الصدق ما يشفي غليل الغليل | |
|
| وملكت لي قلب ذيب وعين حرٍ وناب |
|
لا شفت كذبة بريل اقول كذبة بريل | |
|
| وأثر العرب يعشقون الكذب والارتياب ..!! |
|
وانا اللي احسب منول كل شيء بدليل | |
|
| حتى لو ان اللي يقوله سموّ وجناب |
|
والحين توي عرفت شلون دار الخليل | |
|
| يعيش فيها كلابٍ دخلوهم كلاب |
|
العام تحت الشجر كلن يدور مقيل | |
|
| واليوم تحت القصور اللي علتها القِباب |
|
عبدالجليل ابن مهدي بس عبدالجليل | |
|
| اللي منول اعرفه يشتغل فالكباب |
|
وشلون مدري..؟ يا فكري بس تبقى أصيل | |
|
| وتبقى عقابٍ نصيته لجل ينصى عقاب |
|
|
يا رايح النود في مقدمْك ريحٍ عليل | |
|
| مدري يبدّد صوابٍ أو يجدّد صواب |
|
على فوادٍ لبس جلباب صبرٍ جميل | |
|
| عن مُبريات المشيب ومُغريات الشباب |
|
أوّلك داءً دواءه بالكُشيح النحيل | |
|
| والعين ذات الكحل والكف ذات الخضاب |
|
وأوسطك حرفٍ بديوان الأوائل جزيل | |
|
| عليه من قارئة شمس المعارف سهاب |
|
وآخرك ليلٍ بوادي جنّ سلمى طويل | |
|
| ما هو فصل من تعاليل الغبي والغراب |
|
واليوم جالك على ما يستشفّ العميل | |
|
| حضور تكفير عن ذنبٍ جناه الغياب |
|
لعيون شاعر فحل ما هو بحطّاب ليل | |
|
| أطوي لسان العرب وأطوي وراه العُباب |
|
يا ناصر إن ضاق بك منزل فداك النزيل | |
|
| والسالفة تختصر في قول باب وجواب |
|
في عمرو بن هند وش جاب الغلام القتيل | |
|
| أميّته خلّته يشعب لموته ركاب |
|
والعلم في دائرة في وسطها مستطيل | |
|
| يا من بأعين جنودك خطّة الإنقلاب |
|
في حرب شفت اللوا عسبانةٍ من نخيل | |
|
| ومن دون قصر الشريف أشوف ذيبٍ وداب |
|
ما عاد باقي لأنسانٍ من أهله حصيل | |
|
| ما دام جسم الطهر في مشلح الإغتصاب |
|
ماللهنادي صليل وللأصايل صهيل | |
|
| عن رحمةٍ عوّدت غصنٍ بشجرة عذاب |
|
قل وش دعت لك نوارٍ بالكهل بو عقيل؟ | |
|
| يوم أختلط ماء دمع البين وسط الرضاب |
|
واللي ملى خزنته من مال حاكم أثيل | |
|
| أقول أطيب زكاةٍ من يدينه عقاب |
|
يا ليتها خطوةٍ بدّاية الألف ميل | |
|
| حتى هل الأرض تكتبها بوجه التراب |
|
لكنها هفوةٍ ما بين حالٍ وحيل | |
|
| مثل ابن برمان طيره بالهدد ويش جاب؟ |
|
راحت أراجيز يعرب غيّ بابا نويل | |
|
| يا ناظر العين مجمر نار وإلا شهاب؟ |
|
الله حسيبي على ناصر ونعم الوكيل | |
|
| سطّر على جرحي الدامي بسيفه خطاب |
|
وعوّدت للأمس لو اليوم عنّه بديل | |
|
| من قصةٍ من سحايبها كفاني شراب |
|
بالأمس أشق الرغاب آخذ زميل وزميل | |
|
| واليوم شقّوا بدوني عاد كل الرغاب |
|
هما جميلان والأجمل يفوق الجميل | |
|
| في ناس تشتيتهم أحسن من الإنتساب |
|
ما قمت أعيّب حناجر لو لحنها عويل | |
|
| من شان خاطر جميرة مغزلٍ من عراب |
|
ليت القلم أيها الحاكم بنونه فتيل | |
|
| عشان بعض الورق من ذنبها تستتاب |
|
وإلا أنت فيما سبق لك منهلٍ سلسبيل | |
|
| لو عشت جو إرتياب وعشت جو اكتئاب |
|
أطعن بشبريّةٍ وأضرب بسيفٍ صقيل | |
|
| أعناق ناسٍ من الباطل بلدها خراب |
|
أحيان ما تستحق الأحمديّة ذبيل | |
|
| كلمة مرور الخبر بين العجب والعجاب |
|
إن كان صوت الرمل يحتاج إذن الطويل | |
|
| على خليل الفراهيدي نقلت العتاب |
|
يا ناصر أخير من عمرٍ بطوله هزيل | |
|
| عمرٍ جزيلٍ ولو هو يوم بالإحتساب |
|
وأقول دوم الأصالة آيةٍ للأصيل | |
|
| يا من نصيت العقاب وقال حيّ العقاب |
|