تاريخ الاضافة
الخميس، 26 مارس 2015 08:25:56 ص بواسطة لفى الهفتاء
1 540
على الدوح يا طيرٍ تغنّي
علـى الــدوح يــا طـيـرٍ تغـنّـي .. تغـنّـي لـيـه؟
ومـــن سـبّـتـك كــلّــن يـغـنّــي عــلــى لــيــلاه
يـمـرّك خـيـالٍ مــا يـجـي لـــك ولـــو تـدعـيـه
وهــذا عـلــى شـــرع المحـبّـيـن وش مـعـنـاه؟
وأنـا معـك مــا أغـنّـي عـلـى غــروٍ مْصافـيـه
أغـنّــي عـلــى وقـــتٍ بقـلـبـي ركــــز شـلـفــاه
تأمـلّـت مــا حـولــي وبـيــن اكـرهــه واغـلـيـه
تـلاشـى بـــي الـثـانـي والأول عـلــى دعـــواه
مـعـي كـــل سـلــوان اقـتـلـه وادفـنــه وارثـيــه
فــلا عـــاد بـــي والله حـيــلٍ عـلــى امـلاحــاه
تـعـلّـمـت اوجّــــه واتــوجّـــه بـــــلا تـوجــيــه
ودرسٍ بــلا تـدريـس والــدرس مـــن يـنـسـاه
ترى العرف عرف قلوب ما هو بعرف وجيه
وكــلّــن بهـالـدنـيـا يــــدوّر عــلـــى شـــــرواه
وعيـن الأمــل جــادت ولــو مــا تـجـود ايـديـه
ويأمــــل فقـيـر الـمـال دامــه غـنـي الـجـــــاه
مـشــى ركـبـنـا وافـــلان يـمـديـه مـــا يـمـديـه
حـديـنــا قـصـيــدة مـهـمـلـة قـــــاف ومْـقــفّــاه
وجيـنـا خــلا خـالـي يـهــاب الـــورى واديـــه
غــريــبٍ بـتـصـويـره وبـأهــلــه وبـمْـسـمّــاه
أصـوّت لمـن صوتـي مـن الـحـق مــا يوحـيـه
عــلــى هـاتـفــه جــــاه اتـصــالــي ولا لــبّـــاه
تـقـول النـشـامـا مـيّــت الـقـلـب وش يحـيـيـه؟
وأنـــا أقـــول حـــيّ الـقـلـب وش مـوّتــه بالله؟
يـجــي يـذبــح الـعـابـر وبـيــن الـمــلا يـبـكـيـه
ويـقـطـع وريـــده كـــل لـيـلـة عــلــى ذكــــراه
علـيـه أول المـوضـوع مــا هــو مـثــل تـالـيـه
علـى قــول مــن شـرهـة يميـنـه عـلـى مخـبـاه
يـخـبّــي ورى صــــدره كـــــلامٍ ولا يـبــديــه
ومثـلـي ومثـلـه يـعـرف الـبـرق مـــن مـنـشـاه
ولــو مــا عــرف ســرّ البـنـادم ســوى والـيـه
ولـكــن عـلــى وجـهــه تعـابـيـر عـــن جــــوّاه
أعَـرْف الصـدور قبـور والقـول عــن راويــه
ونـهـر الحقيـقـة عــذب يــا مــن تغَـثْـرب مــاه
واعَـــرْف الـنـوايـا كالمـطـايـا رحـيــل وتـيــه
ومـنـهـا الفـعـايـل بــيــن واقــــع ومـسْـتـوْحـاه
كـثـيـر الـعـلـوم حـلــوم والـحـلـم وش داعــيــه
والأيــام دورة غـيــب والـرجــل مـــن مـبــداه
فـــلا كـــل لـيــلٍ جَــــنّ راع الـنـيــا ســاريــه
ولا كــل مــن عــدّى بظـهـر الـرمَـك جهـجـاه
وســيف الخــطا ما هو بــذابـح ســــوى راعيـه
عـلـى صـفـحـة الأيـــام يـــا عـبـرهـا عـبــراه
تــغــرّه هـقـاويــه وتـسـوقــه نـــــدم رجـلــيــه
يـصـادم عـلـى وضــح النـقـا راس مــا يـقـواه
كتابـه تــرى مــا انـكـر نـعـم سـامـع بطـاريه
ولـكــنّ مـــا ربـــي أمـرنــي عــشــان أقــــراه
مـــن الـعــام أقـــول إن جـــا لـنــا فالله يحـيـيـه
وأنـا فـوق راس طويـق والسيـل فــي مـجـراه
وهــــذا بــدايــة عــلــم والـعـلــم فــيــه وفــيـــه
بـنـذبــح لـعـيـنـه كــــل ذيــــبٍ يــجــرّ عــــواه
وحــنــا عـلـيـنـا نـنـتـظـر مــنــه مــــا يـعـنـيـه
كــتــابٍ سـمـعـنـا عــنــه لــكــنّ مــــا شـفـنــاه
إسم الشاعرإسم الكاتبالبلدإسم القسمالمشاهدات
لفى الهفتاءلفى الهفتاءالسعودية☆ دواوين الأعضاء .. عامِّي540
لاتوجد تعليقات