تاريخ الاضافة
السبت، 28 مارس 2015 11:02:45 م بواسطة لفى الهفتاء
0 571
آه من قلبٍ على الضيق محدي
آه من قـــلبٍ على الضــيق مْحَدي
كل ما بــه راح من عنـــده ســــدا
أجهـدتني دنــيتي فـــوق جْهَـــدي
وضعــت ما بين الخـبر والمبتــدا
أمس من بعض الوجيه أملى يدي
بس عاد اليــــوم مـــا فيـــها جــدا
أتمثّــــــل بالجـــــلادة واقــتـــدي
لا جرح خد الزهــر بعض الندى
كيف آمن من هــــدوء المعــتدي
والبحـــر غـــدّار حـتى لو هـــدا
من يشوف الكلّ في عين أجودي
ذا ســرابٍ يطـــرده مـا لــه مدى
يوم اضيق وضيقتي وسـط بْلدي
جعلــها لو تفــرح الطــيّب فـــدا
من عيــــونه بالثـــريّا تـــرتـدي
ما يضـــرّه بالثــرى ضايع قــدا
وأنت يا حادي لما دون سْعَــدي
ضاع صوتك بين راعين الحــدا
عقب ما زان البساط الأحمـــدي
لا تعشّى واحـــدٍ حـــطك غـــدا
لك حسامٍ مضــربه غصـنٍ ندي
دون ربعك ما تفــرّق بـــه عـدا
جيت ترفـع بالمثــايل واتْعَـــدي
ولا وصلنا منــك لو ردّة صــدا
من غدى باللــيل عـــلّه يهــتدي
البلا باللي ضحى قــالوا غــدى
ما يـــردّ القـــوم رجّـــالٍ ردي
ولا يفاخر سـيف في حدّه صدا
والنهـــاية في يـــدين المبــتدي
إخــذها حتى ولو راحــت سدا
أشهـــــدُ بالله مــا جـــدّك ردي
بس قلـي من منَـه جاك الردى
إسم الشاعرإسم الكاتبالبلدإسم القسمالمشاهدات
لفى الهفتاءلفى الهفتاءالسعودية☆ دواوين الأعضاء .. عامِّي571
لاتوجد تعليقات