تاريخ الاضافة
الأربعاء، 6 مايو 2015 12:13:56 ص بواسطة سالم الباسط
0 325
الوصايا
يالله ياالمعبـــــود وال التدابيــــــــــر
يا عالـــمً كل الخوافـــــــي والاسرار
تجعــــل لنا من باب نصرك تباشير
ترسل لنا من فيــــــض غيثك بمدرار
باسمك بديت القاف هجس التعابير
من ضامر(ن) قامـــت توميه الاشعار
هذي وصــــايا جبتهــــــا بالتفاسير
فيها العقـــول النيـره غصــب تحتار
يا محمـــد اسمعهــــا بوزنً وتبصير
خلك على الهقــوه ولو صار ما صار
قبلك بهالدنيــــــــا طويت المشــــاوير
وشفت العجايب والمحن شفت الاقدار
قامت تقلبني كمــــــــا ســــــالم الزير
في مهمهيـــــــات الموارد والاصــــدار
اعرف ترا الدنيا حــــــــلاها النواوير
لا صــــــــــــــارت الخدان نوارها سار
ويقفي بهــا صيف(ن) لواهيبه تغير
ويبقي هميد العشـــــب للعث والفار
لا صــــــار ما يمناك تغـرف من البير
اعرف ترا شربــــــــك من النـاس قتار
واعــرف ترا الدنيـــــا سرار ومجاهير
ومن بـــاح سده انفضــح سر وجهار
اولى الوصـــايا لــك ياذيب المعاشير
خمس الفروض افطن ترا الوقت غدار
حافــــــــــــظ عليـها يسر ولا معاسير
تنجيك بالاخـــــرى تفكــــــك من النار
وباقي الفروض احرص عليها بتدبير
بالك تخلــــــــــــــي ركن منهن وتحتار
الثانيه تقوى الولــــــــــي به مياسير
خلك تقــــــي حصن لنفسك عن العار
والثالثه اولاد عمـــــــــــــــــك منـــاعير
هم عزوتــــــــــــــــك لادار بالوقت دوار
والرابعه جــــــــــــــارك تخصه بتعبير
واحرص عليه اعرف ترا الجار لو جار
والخامسه ضيفـــــــــــك معزه وتقدير
اخفض له النفـــــــــس القويه بمقدار
بيتك فعلــــــــــــه لانصوك الخطاطير
السادسه بالنـــــــــــــايفه منزل الدار
والسابعه نفسك هــــــــــواها معاثير
لا تتبعه حذرا هــــــــوى النفس غدار
والثامنه جيبـــــــــــك يعزك عن الغير
لا صار لك مالـــــك ترا ما انت محتار
والتاسعه فالعـــــــــــذر ماهو بتبرير
وقـــــت المـــــــــــلازم لا تكثر بالاعذار
والعاشره لاتبدي الشــــــــور وتشير
الا على رجــــــــل عنى فابد الاشوار
وبنت الردي لا تاخذه بـــــــه معايير
حصن نسبك ابعد عن العيب والعار
ثاني عشرها خذ صديقــــــك فنانير
لا لا تصاحب عـــاق شف لك ولد بار
ترا الصداقه تجلـــــب الشر والخير
اختر صديقك واترك النـاس الاشرار
صلاة ربي عد ما ســـــــــــار ويطير
واعداد هـــــب النود وعداد الاشجار
على النبي اللي يســـوق التباشير
واعداد ماهلـــت هماليــــــل الامطار
هذه الابيات يوصي به الشاعر ابنه محمد
إسم الشاعرإسم الكاتبالبلدإسم القسمالمشاهدات
سالم الباسطسالم الباسطالسعودية☆ دواوين الأعضاء .. عامِّي325
لاتوجد تعليقات