تاريخ الاضافةتاريخ التعديل
الخميس، 14 يناير 2016 08:46:28 م بواسطة سلطان القنيديالسبت، 9 سبتمبر 2017 03:33:04 م
4 255
سـارعـي يـا بـلادي
الشعـر ينبـع مـن صمـيـم فــؤادي
والفـكـر يـقـدح مـثـل قـدح زنادي
واصـوغ مـن جزل القصيد النادر
اللـي مــع الأيــام وفــق ابـعــادي
ولا خير في شعـرٍ قصـر باللازم
مـن بعــد نـادى بالـلـزوم مـنـادي
وقّـفـت والمـيـقـاف مـالــي عـنّـه
والعـذر هـذا الـيـوم ما هو عادي
فـرحـة تـعــمّ الـكـورة الأرضـيّـة
وتزخر بماضي يروي الأمجادي
حـي الـبـلاد وحـي مـن حـاكـمها
اللي عـلـيـهـا بـالــعــدالـة ســادي
يعـيـش قـايــدنـا عـريب المجنى
صـمـيـدع محـنّــك فهـيـم قـيـادي
هـذي بـلاد الخـيـر وأهـل الطيبة
دار الـنـبـوّة والـرســــول الـهـادي
من يوم كنّا أطفال وسط الروضة
وحـنّـا نـردد سـارعـي يـا بـلادي
هـذا الولاء يـجـري بوسـط دمـانا
متوارثـيـنه مـن وراء الأجــدادي
وحـنّـا نحفـظـه بـالقـسـا ونصونه
ويـتـوارثــونــه بـعـدنا الأحـفـادي
مـنهــاجــنــا منهـج رسول الأمة
نـور بـشـعاعـه يـسـتـدل الـغـادي
وشـعـارنا السيفـيـن معهـا النخـلة
شـعـار حـق ويــردع الـمـتمـادي
كـل مـا علـمنا بالنوايـف رفـرف
قــلــوبـنـا رفّــت مـعــه لا إرادي
مـن دون رمــل المملـكـة وقّفـنـا
ونصير وقت المعضلات افرادي
كـــم مــن عـــــدوٍ ودّه يـفــرّقـنـا
والـيـوم وسـط السلسلة مـنـقـادي
والله يـديـم الأمـن وأهــل الهـيـبة
وعسى يموت الحسـد والحسّادي
ونقـولـهـا مــن عـادنـا بالـروضـة
عاش المليك وسارعي يـا بلادي
إسم الشاعرإسم الكاتبالبلدإسم القسمالمشاهدات
سلطان القنيديسلطان القنيديالسعودية☆ دواوين الأعضاء .. عامِّي255
لاتوجد تعليقات