عناوين ونصوص القصائد   أسماء الشعراء 
الشعراء الأعضاء .. عامِّي > السعودية > منصور المطيري > عيد ميلادك

السعودية

مشاهدة
489

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

عيد ميلادك

يالفاتن اللي باصبعك يمي تشير
وكنك تقول الصمت هذا يدينك
سيل من الكلمات في حلقي تحير
والصوت متهالك وفوحه سجينك
في عيد ميلادك تطيش التعابير
مدري أهنيك أنت والا سنينك
كل عام وانت بقلب مغليك وبخير
وكل عام شابك مع يمينه يمينك
عذب التهاني تساق لصغير وكبير
وكل من عيونه غاصت ببحر عينك
اهني الغصن وصغار العصافير
اللي تجاذب في الصباح لرنينك
واهني زهور النفل والنواوير
والجوري اللي تنبت بوجنتينك
واهني اللي حول بيتك مداوير
يسوقهم سوق الحيا ذكر زينك
واهني ربوعك واهني المسايير
واللي رزقه الله مصافح يدينك
قبلك تذوب بفم حظي معاذير
واصيح باعلى الصوت ياحظ وينك
ومن يوم جيتي جات معك التباشير
عشب الغلا والشوق كاسي قطينك
هلت غلاتك في خفوقي من عصير
شهرين ماجه الغلا من حنينك
انتي غلاتك غير واطلالتك غير
الشمس ياهي بالسما .. يابجبينك
حرام لو لي قدرة اطير لاطير
ولااوقع الا بين قلبك وبينك
منصور المطيري
التعديل بواسطة: منصور المطيري
الإضافة: الاثنين 2016/02/15 08:58:11 مساءً
التعديل: الثلاثاء 2016/02/16 04:26:40 صباحاً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com