تاريخ الاضافةتاريخ التعديل
الأربعاء، 17 فبراير 2016 09:45:03 م بواسطة الشمالي جمهور سفر العصيميالأربعاء، 17 فبراير 2016 11:41:14 م
3 265
دايم السيف
مع حروف الضاد ماسك لي خفاره
وقبل لا أختار اصلي استخاره
واتأمل زين وأطوّل وقوفي
عند تشبيه الجمل والإستعاره
مفرداتٍ من عيون الشعر تصدر
وتنصف المظلوم وترد اعتباره
وترضي أهل النظم والذوق المميز
وبين كل الطرح تأتي فالصداره
يحتميها شاعرٍ يكتب لذاته
ماكتب شعره على شان التجاره
قدوته نجمٍ ظهر فوق الكواكب
وإن تغير منزله ثابت مداره
فيصلين ريشته وحروف شعره
ترسم الإبداع وتحدد مساره
يُقتدى به فالشموخ وفالتفاني
والحظيظ يصير مثله فالإداره
نجل حرٍ ماانجبن البيض مثله
لو تكرر حملهن تاره وتاره
كيف ننسى حشرجة صوتٍ وعبره
ووقفةٍ للقدس وأطفال الحجاره
وبعدما عرجت للماضي بـ لفته
عدت للمحور بنقطه واستداره
المرادف لإسم خالد إسم دايم
ويعطي الفيصل على السيف الإشاره
شع نوره في عسير وعاصمتها
وانتقل شعاعه وعم الوزاره
والوهج في منطقة مكه تزايد
ماانحصر ضوءه على ركون الأماره
جده غير ومهبط الإسلام مكه
وزهر مصيفنا يجاكر جلناره
وكلما سقت القدم في منطقتنا
عشت حاله من ذهول ومن إثاره
يوم اشوف الهدم في بعض المباني
قلت سرب التايفون وشن غاره
ولااْنتهى المشروع قلت الله أكبر
ابرز اشكال التطور والحضاره
إشهدوا إني على التاريخ شاهد
والموقر حافظينن له وقاره
يكفي إنه ركن للدوله وأهلها
والملك سلمان حطه مستشاره
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي265