تاريخ الاضافةتاريخ التعديل
الخميس، 17 مارس 2016 12:27:34 م بواسطة محمد حمدي غانمالخميس، 17 مارس 2016 10:38:09 م بواسطة حمد الحجري
0 313
مشاغبة
مش عايز أثبت لِك أنوثتِكْ
ولا تثبتي لي في يوم دلالِك
ولا تطلبي مني قصيدة
انا لسة بتهجى فْ جمالِك
ولا تسأليني ليه بحبِّكْ
مجنون وحابِّكْ إنتي مالِك؟
ومتسأليش مليون "وحشتَكْ؟"
يا غِلْسة خليكي في حالِك
عايزاني أتعصب عليكي
وأخدك في حضني في انفعالك؟
منا قلت حتى لو ما قلتش
هو انتي ليه مش واخدة بالك؟
أنا عندي مليون كلمة حلوة
مستنياني أكون حلالك
وأقَلّها كلمة بحبِّك
عيشي بقى فيها بخيالك
إسم الشاعرالبلدإسم القسمالمشاهدات
محمد حمدي غانممصر☆ دواوين الأعضاء .. عامِّي313
لاتوجد تعليقات