إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
هات ايدك |
احضن ايدى |
تعالا نعدى حدود الخوف |
خلينا نطوف ف براح الكون |
ليه نفضل واقفين فى مكاننا |
محلك سر؟ |
والايام حوالينا تمر |
ونشوف فيها النور |
من ورا جدران الاحلام |
ونَّام .... |
نحلم بالبحر وبالامواج |
من لحظة ما قبلتك .. |
اخدت قرارى باصرار |
هبدأ وياك تانى المشوار |
والموج العالى فى حضن الليل ... |
مش ممكن يكسرنى |
فكرنى ... |
لو كان اليأس فى لحظة غلبنا |
او شبح البعد معاه غلّبنا |
لأ سيبنا ... |
وتعالا نرجع لقمرنا ضياه |
للليل السهران ويانا غناه |
دى اللحظة الفرحانة |
بضحكتنا |
بلمتنا حياة |
هات ايدك احضن ايامى |
ودوب |
ده يادوب .... |
فاضل فى زمانا ساعات |
وساعات،، |
بتعدى الثانية سنين احزان |
فبلاش تتسرب دقات الساعة |
من وسط تروس الايام |
ونلاقى البندول الحاير |
اتجمد ... |
فى جليد اوهام |