عناوين ونصوص القصائد   أسماء الشعراء 
الشعراء الأعضاء .. عامِّي > مصر > محمد أبو يوسف > حمار

مصر

مشاهدة
736

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

حمار

الحمير اللى ف بلدنا كل يوم بتزيد حمار
طبعا إنت مش مصدق أو واخدنى معاك هزار
طب تعالى نقول كلام من غير صراخ ولا زعيق
وبلاش نصرخ .. نجعر أو نزود ف النهيق
لما كل شىء أوامر وانت بتنفذ يا خال
ولما ينادى يقول يا تامر وانت قدامك نوال
ولما كل شىء يزيد والفساد بتزودوه
كل واحد جى يحكم يفتكر ده مال أبوه
المصيبه مش ف فكره المصيبه ف مين جابوه
كل واحد ييجى يحكم يقول لنا شدوا الحزام
وكل شىء ليهم حلال وكل شىء لينا حرام
وانت بتقول نفسى أهدى روحى لتراب الوطن
والحسين مقتول أمامك وانقتل قبله حسن
واللى متعلق ف يافطه دا اللى فضل لنتحار
والديابه ف مصر شافطه الجنيه ويا الدولار
وكل حاكم يستخفك وانت داير ف المدار
ومهما يعمل فيك مصدق مانت يا واد لساك حمار
محمد أبو يوسف

الحمير اللى ف بلدنا كل يوم بتزيد حمار طبعا إنت مش مصدق أو واخدنى معاك هزار طب تعالى نقول كلام بس مش عايز زعيق وبلاش نصرخ .. نجعر أو نزود ف النهيق لما كل شىء أوامر وانت بتنفذ يا خال ولما ينادى يقول يا تامر وانت قدامك نوال ولما كل شىء يقل والفساد بيزودوه كل واحد جى يحكم يفتكر ده مال أبوه المصيبه مش ف فكره المصيبه ف مين جابوه كل واحد ييجى يحكم يقول لنا شدوا الحزام وكل شىء ليهم حلال وكل شىء لينا حرام وانت بتقول نفسى أهدى روحى لتراب الوطن والحسين مقتول أمامك وانقتل قبله حسن واللى مات غرقان ف قارب واللى فضل لنتحار والديابه ف مصر شافطه الجنيه ويا الدولار وكل حاكم يستخفك وانت داير ف المدار وكل يوم لازم تصبح كل ما تشوف النهار وكل يوم السعر يعلى والبنزين ويا السولار وكل بلاد الدنيا صاحية البعيد أو ف الجوار أما إنت جعر تنبل والبلادة ليك شعار كل حاجه إلا جيشنا حتى لو كان جيشنا عار ومهما يعمل فيك مصدق مانت يا واد لساك حمار
التعديل بواسطة: محمد ابو يوسف
الإضافة: الثلاثاء 2016/04/19 04:59:03 صباحاً
التعديل: الثلاثاء 2016/04/19 06:44:56 صباحاً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com