البنك مرسل لي على وقته الشين | |
|
| و يقولّي البارح لكم مودعينا.. |
|
اكشخ وسافر عن بلدكم بلادين | |
|
| مسكين يحسب بالقرار اهتنينا.. |
|
واقول له يا بنك مرسل تبي مين | |
|
| انا مع اللي للرواتب عزينا.. |
|
يا بنك وزعته ولا عاد بك شين | |
|
| ولا عاد تبعث هالرساله علينا.. |
|
رح دوِّر اللي عيشته كلها لين | |
|
| ما دَوَّر الراتب سوا للثمينا.. |
|
ما يعرف السلفه ولا مسه البين | |
|
| و لا هو لمنهو دق بابه عوينا.. |
|
ولا اللذي مثلي ملاه الزمن دين | |
|
| و نفسه على حق الاوادم صخينا.. |
|
من ليل يوم الأربعه فوق عشرين | |
|
| واقف على صرافته كل حينا.. |
|
ومن ساع ما خمسه وعشرينك تحين | |
|
| يودع حقوق اللي جمِيله رضِينا.. |
|
من قبل لا نحرج عيال الأصيلين | |
|
| ومن قبل حتى لا إتصالن يجينا.. |
|
تقدير للفزعه وتطبيق للدِين | |
|
| وتحليل .. يمكن هالثرا يعتلينا.. |
|
وندور اللي في بلدنا مضيفين | |
|
| ونكرم لحاهم بالدسم والسمينا.. |
|
ضيوفنا، ودايم علينا عزيزين | |
|
| عادات وسلومن عليها ربينا.. |
|
من بعدها واجب نزور الدكاكين | |
|
| و نكمّل العيشه ونملا يدينا.. |
|
ونآخذ لوازم جلبها مابه اثنين | |
|
| ما تقبل التأجيل فيها بُلينا.. |
|
ونلقى لنا محتاج ولا مساكين | |
|
| نعطي لهم عنّا وعن والدينا.. |
|
ونفزع لمن يحتاج وضعه لتحسين | |
|
| و ان كاننا نقدر فعنهم عفينا.. |
|
ومن بعد هذا حطها بين قوسين | |
|
| على الحديده نصتفق مطْفِرينا.. |
|
ويا بنك وزعته ولا عاد بك شين | |
|
| ولا عاد تبعث هالرسايل علينا.. |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
