عناوين ونصوص القصائد   أسماء الشعراء 
الشعراء الأعضاء .. عامِّي > الأردن > احمد عبد الله الخالدي > ايردّني عن بعض الابيات ناموس

الأردن

مشاهدة
1052

إعجاب
2

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ايردّني عن بعض الابيات ناموس

الفزعه اللي دونها تطنخ الروس
عزّ الله‬ انها تجلي الضيق كلّه
ولا الّذي من دونها جهّز الموس
ايزيد فوق الضيق مليون علّه
وما دام تنشد وش له الضيق وتحوس
‫‏يا صاحبي‬ بعطيك دقّه وجلّه
حظّ الشّقي متعوس وان طاب متعوس
وملازم ن له في رحيله وحلّه
من دنيتي ماخذ رغم أنفي آ دروس
و ابخن جميع الناس من كل ملّه
لين اعتزلت الكل وامسيت مغلوس
مالي ومال بروق ناس ن مملّه
امعاكس التيار وان قيل معكوس
يا عنك خلّ القول والقيل خلّه
عن عالم التشفير ومقارع الكوس
اخترت لي عالم ولا احدن يدلّه
بين انطواء الذات وطقوسي طقوس
راضي به ويغني عن الزود قلّه
والله ورب البيت ما ضيقي فلوس
رغم الفقر قانع ومشكاي ‫‏لله‬
عايش واعد ايام والحال ميؤس
من خابت الهقوات باللي نجلّه
فكري شتات وغادي ن حيل ملحوس
والهمّ سيف ن جاير الوقت سلّه
ايردّني عن بعض الابيات ناموس
من خوف لا تكتب مع الوقت زلّه
أضرب مثال وأدرج البيت في قوس
ولا بلاش القوس ما هو محلّه
الحر موته أبرك ان صار محبوس
وشلون لا من شاف بالعين ذلّه؟
هذا أنا يا مسندي هبس وهبوس
ويا كثرهم مثلي رثع فيه غلّه
من قسّوة الأيام والليل كابوس
يطرد ورانا واعذب النوم تلّه
واقع ولاجله لجلج وثار هاجوس
والهاجس اليا ثار ماله أخلّه
ماهو تبلي شاعر ن بات ممسوس
ريق الفخر يحتاج كفو ن يبلّه
الأجنبي من خير الاقراب متروس
ويطيب فاله كل الاوقات فلّه
ولا العقارب صفوة اقراب وانجوس
فيها ومنها مصدر السمّ والله
واستغفر الله لكن البوق ملموس
واضح ولا يحتاج شرح وأدلّه
من شاخت الهربش غدى الحق مطموس
و اذناب شيخان العبي مسفهلّه
وبكل ديره ثلّة تيوس وتيوس
ما ‫تعبد‬ الا يحفظ ‫الله‬ ظلّه
أفلاذها ترئس وغادي لها ضروس
وافلاذ باقي الناس تحتاج طلّه
دسمة شواربهم زفر زايد البوس
للزيف والتدليس خيط ومسلّه
انا اشهد ان هروجهم قرقعة طوس
والشيخ ما هو شيخ! شيخ ن لثلّه
وانا ورب البيت لولا بعض روس
ل افتي واجيب العيد قبل الأهلّه
احمد عبد الله الخالدي

رغم خصوصية النص , إلا أنه يتكلم في طياته عن شريحة كبيرة , وكبيرة جدا
التعديل بواسطة: حمد الحجري
الإضافة: الخميس 2016/06/16 04:54:01 صباحاً
التعديل: الاثنين 2016/10/03 05:33:09 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com