عناوين ونصوص القصائد   أسماء الشعراء 
الشعراء الأعضاء .. عامِّي > العراق > سعيد الاحمد > عطر الياسمين

العراق

مشاهدة
483

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

عطر الياسمين

دورت عنج اهواي ومالگيت
ابذكرياتي وبين طيات السنين
ومن لگيتج ورده وبحضن الخريف
خضريتي وفاح عطر الياسمين
چنتي عاصمة الحلم والمعجزات
وصرتي عاصمة الثقافة البيها دين
رادو يخنگوچ يلنبضچ حياة
وقبل مايولد يموتوه الجنين
من الولادة المعتصم ماخذ قرار
من الأساءه ال سر من رآأى تجين
من زمن دير ونهر بچتافه ماي
العاف روحه وگام يروي الزائرين
انتفضت الگاع وظهر بيها الخضار
وعلظهرها اتشيد القلع الحصين
شگد احاجي انحلت ابمر الزمان
ونتي سرچ لسه في بيرچ دَفين
صرتي والمأمون ما صار الا بيچ
ولسه حبلچ كلنه بيه امچلبين
من الخليفه العاشر اعمارچ بْدوه
ونتي بيهم خصله خصله اتعمّرين
شيدوچ العافيه ابشمة هواچ
الريه تزعل لو يمر نايّچ حزين
انتي مو عاگر بأذن رب السماء
بس جوامع انتي هيچ اتخلفين
بعده نفس آبو دلف ذاك الشموخ
العاصر الخوف وبدا ينگط حنين
اتمخضت گاعچ ظهر بيها التواء
أصروح فوگ اصروح واكبر تنجبين
جامع الملوية ذاك المن بعيد
اليشوفه يُعرف اهلچ طاهرين
العجيبه النور حاط ابكل مكان
وناصر الدولة عرف يظهر من اين
گلهم اهنا ينبني اكبر مزار
ذوله هُمّه الآل هُمّه الصالحين
الهادي بحروفه يشع من عنده نور
والحسن بان ابضوا فوق الجبين
جاوروچ وأنتي عاصمة السلام
ولهذا اليوم أحنه امحاربين
ويّه اكبر روضه في سِفر العراق
خَطَو اسمچ فرض لازم تُكتبين
رادو ايمسحون اسمچ گلتي لا
ابقى سامره ويظل جَدي الحسين
سعيد الاحمد

تتكلم هذه القصيدة عن مدينة سامراء في محافظة صلاح الدين في العراق هي مدينتي اتكلم بها عن تاريخها في العصر العباسي ولاده وازدهار وبناء وشموخ. وحرب واستهداف. واختتمت القصيدة بموال الزهيري خاص بانتمائي لمدينتي وعشيرتي. املي ان تلقى استحسانكم. ولمن يحب ان يسمعها صوت وصوره اقول له القصيده رفعت لليوتيوب باسمي.. الشاعر سعيد الاحمد قصيدة عطر الياسمين.
بواسطة: سعيد الاحمد
التعديل بواسطة: سعيد الاحمد
الإضافة: الاثنين 2016/06/20 04:55:07 مساءً
التعديل: الثلاثاء 2016/06/21 05:42:39 صباحاً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com