تاريخ الاضافةتاريخ التعديل
السبت، 13 أغسطس 2016 07:56:45 ص بواسطة سلطان القنيديالخميس، 20 يونيو 2019 08:48:28 ص
4 250
غيث الجهام (هلالية)
أخـيـل الـسـحـاب اللي شـمــال مـغـير
ولـو كـان جــانـي مـــن قــديـم نــذير
جـهـامٍ تـزبّـر بارقه يخـطـف الـنـظـر
وفـي حـكـــم خــــلّاق الأنــام يــسـير
عـليه الخـلـيـقـة عـلّـقـت رجـوة الحيا
ومـن يـنـتـظـر غـيـث الجـهـام حـسير
عـلـى الله مـتـوكّـل وانا عـاقـد الـعـزم
ولا خــــاب مـــن هـو لـلإلــه نـصـير
تـزاحـم عـلـى نـبـع الجـزايـل شوارده
عـشـق صـيـدهـا شـاعـر هـواه عسير
يغض البصر عن تالي الصيد والسهل
كـبـيــرٍ يــبـي مــثــلـه مـقـــام كــبــير
عـلى عـد عـيـلـم واردٍ ويــن مـا اتجه
وعــن ربوعه بـكـل الأمــور سـفـير
مضـرّا على النوماس والطيب والندى
وعـلى جـامـعـة بـدع الـجــزال مــدير
ما دام الأصايـل تنثني عـنــد مـطـلبي
فـلا هـمّـني طـيـــرٍ ضـعـيــف يـطـير
أخـاطـب عـقـول القوم بالشعر والدرر
ولا الـقـى لـهـا فــاهــم مـعـاه ضـمـير
واشـوف الـمهـازل والسـبب قـلّة الفهم
عــقــولٍ بـهـا عــقــل الحـكـيـم يـحـير
تـكـاشـف لي الأشكال وتخيب هقوتي
وذراع الـوصـل بـعـد الـوصال كسير
غـيـابٍ يـزلـزل خـالي العرف والعقل
ولا حـضــور مـا يجمّـل مـداه قصير
أعيش بمعزة دمت عايش على الثرى
وحـيــاة الـمـعــــزة للـشـجــاع مصير
ولا اعـيـش فـي ذلٍ يـردّي عــزيمتي
يـمــوت الـــرجـــل لـكــن نـبـاه منير
وعـلام اللي أول مُعجبًا في قصايدي
وخـلّـيـتـه بـجــزل الـقـصـيـد خـشير
عـلى عـز كــان وذلّـه الله بـمـا نـوى
وحـالـه بـعــد بـشــت الغــنـاة فـقـير
وقـد قـالها شايـب عن العز ما انثنى
مـن يـهـيـن نـفـسـه للـرجـال حـقـير
واقـدّر خـوّي الطيب لو كانه اجنبي
وإذا غــبــت عـنّـه مــا يـنـام قــرير
يسوق القـدم ينشد عن اسباب غيبتي
ولا يـــرتـجــي شــيءٍ وراه نـظـير
وفي ما تناسى رفـقـةٍ في زمن عبر
وانا افـخـر بمـثـله يـوم صار عشير
تهب الهبوب وثابت طويق ما درى
عـن اللي مـشـى دربٍ هـواه هجير
ما دام الأصايـل تنثني عـنـد مطلبي
فلا هـمّـني طـيـرٍ ضعـيــف يـطـير
إسم الشاعرإسم الكاتبالبلدإسم القسمالمشاهدات
سلطان القنيديسلطان القنيديالسعودية☆ دواوين الأعضاء .. عامِّي250
لاتوجد تعليقات