تاريخ الاضافةتاريخ التعديل
الإثنين، 29 أغسطس 2016 03:18:23 ص بواسطة سلطان القنيديالأحد، 27 أكتوبر 2019 03:14:04 م
3 460
سهم حبّك
العشق بلوى وأنت ما خفت ربّك
من يوم تبلاني بتركيز الأعيان
داخل عيونك شفت نارٍ تشبّك
ولا يطفّيها سوى شوف سلطان
احترت فيك وصابني سهم حبّك
كنّي أشوف الجمر واطاه حفيان
جيتك على الموعد ولا ذقت لبّك
واقف على عد المحبة وضميان
خلّيتني ما بين مدحك وسبّك
والقلب هذا اليوم من دون عنوان
تقبِل تقل شيءٍ بدربك نشبّك
وتقفي مثل فرحتك لا صرت كسبان
قصدك تغلَّى والشعر ينكتبّك
لكن على هالوضع يا هيه خسران
بالعشق واحد بالتفاني يجبّك
ويجعلني انسى كل شيءٍ معك كان
أنا عزيز وقادر ابعد واكبّك
غيرك كثير ولا توقّف على إنسان
تكتب على الجدران (والله أحبّك)
وإذا تلاقينا تقل حيل عدوان
إن كان جرحي ما تداوى بطبّك
ابعد وغيرك مشعل الدرب ضيّان
إسم الشاعرإسم الكاتبالبلدإسم القسمالمشاهدات
سلطان القنيديسلطان القنيديالسعودية☆ دواوين الأعضاء .. عامِّي460
لاتوجد تعليقات