تاريخ الاضافة
السبت، 3 سبتمبر 2016 12:55:53 ص بواسطة عبد العلي فيلالي بالحاج
0 240
قالت لي لبلاد
قالت لي لبلاد
لواد غادي هواد
ما يطلع عقابي
يجرف ما لقى من ولاد
ولاد الرضا طلعو للكديات
وولاد السخط حناو الراس للحافات
الربيع كبر فعينهوم غابات
جاتهوم الحملة ما لقاو وتاد
قالت لي لبلاد قول للولاد
وعييت ما نقول وانا براسي هواد
اش يفيد القول ولعدو منا فينا غول
ولقول محسوب من حكايات شهرزاد
قالت لي لبلاد سلم
وروى ولا تتكلم
يقدك تزغنن دبانة وتبركم
وتحكي امجاد اجداد
الواد لغادي
ايلا ما كانتش بلادك
هدي راها بلادي
تاليك تنشف بالجهد
وينقص ليك الزاد
ويقادو الروس ولعباد
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. عامِّي240
لاتوجد تعليقات