تاريخ الاضافةتاريخ التعديل
الخميس، 15 سبتمبر 2016 05:30:49 ص بواسطة سلطان القنيديالخميس، 15 سبتمبر 2016 05:53:41 ص
4 274
عــرفة وجه
الـبـارحـة بـاللـــيـل نـمــت و لاهــنـالـي مــرقــدي
كـنّـي مــريــضٍ يـلــتــوي بـفــراشه وزاد مـرضه
كـلّـه سـبـايــب هــرجةٍ عــوجـا لـفـتـني مــن ردي
مدري وش الدافع ولا ادري ويش قصده وغرضه
مــا دام يخفي خلف صدره مــثـــل نـــارٍ تـوقـدي
خـلّـه عـلـى فـالـه وابـى اجــنّــب ولانـي مبـغـضه
عرفة وجه مـا هــو قـريب ولا رفـيـق ولا سنـدي
يـعـنـي غــبـارٍ جـاء عـلـى ثــوبـي ويــدّي تنفـضه
وانـا عـلـى فـعــل الـمـراجـل مـسـتـزيـدٍ بجـهـدي
وعـلـى الـنـشـامـى دايـمٍ كــل احـتـرامـي أفــرضه
وانا غـرسـت الطـيب بالطـيّب مثـل غـرس الـودي
ودونه هـمـاج الـمـورد مْـن سـنـيـن يـدّي تـدحـضه
مـن شـان تـقـديــر الــرجـال اغــادر اقطار بـلـدي
فـي لازم ٍ والـحــر دايـــم يـنـعــرف مــن منهـضه
وإن جـت عـلـى بدع الشعـر مـاني بـشاعر مبتدي
وإذا فـتـلـت الـبـيـت يعـجــز مـن يحاول يـنـقـضه
بيت الشعـر مكسـيـه ثـوبٍ صانـعـه مـن عسجـدي
واسـمع فـريـد الشعـر يالمـبـدع وخـذ لك مـوعـظه
كـثيـر مـن فـكـره عـلـى فـكـري ويجهـل مقصـدي
وانا عـلـى وضح الـنـقـا بالــزيـن والشـين ارفضه
دربـي ســنــودٍ والــرديّة درب أهـلـهـا جــرهــدي
وعـن كـل حاسـد محـتـمي بكـتـاب ربّي واحفـظه
واذا بـــلاك الله بـعــرفـة مـــع ردي يـالاجـــودي
خـلّـه عـلـى فـالـه وتـلـقـى بالـرجـاجـيـل عـوضه
إسم الشاعرإسم الكاتبالبلدإسم القسمالمشاهدات
سلطان القنيديسلطان القنيديالسعودية☆ دواوين الأعضاء .. عامِّي274
لاتوجد تعليقات