بسم الله ابدا والمعاني هماليل | |
|
| غيثٍ تهاطل بالقصايد كالامزان |
|
من شاعرٍ يكتب جزيل التماثيل | |
|
| عذب القصيد اللي تحلى بالاوزان |
|
يكتب عن رجالٍ فحولٍ حلاحيل | |
|
| اللي لهم في ساحة المجد عنوان |
|
ربعي اهل الحيزا رجالٍ مشاكيل | |
|
| تاريخهم معروف في كل الاوطان |
|
ربعي بني مخزوم ذباحة الحيل | |
|
| يشهد لهم بالطيب حظرٍ وبدوان |
|
ينبيك عنهم من يعرف التفاصيل | |
|
| حكام دوله من قديمات الازمان |
|
يشهد لنا التاريخ جيلٍ ورى جيل | |
|
| لا صاح صياح الضّحى جوك فرسان |
|
جوك الخوالد كالسّيوف المساليل | |
|
| صغيرهم يارد على الحوض ضميان |
|
من نسل خالد كل ابوهم رجاجيل | |
|
| قبيلهم بالمعركه دوم خسران |
|
سيف الله المسلول خالد ليا قيل | |
|
| دكّ الفرس والروم في كل ميدان |
|
ابن الوليد اللي يحبك المداخيل | |
|
| إليا انتفض للمعركه ثار بركان |
|
لو معركة مؤته تعدّ التفاصيل | |
|
| مع قلّة رجاله تصدى لعدوان |
|
في نجدّ سدنا بالسيوف المصاقيل | |
|
| في حكم سعدون العريعر بليهان |
|
شيخٍ تخاظع له شيوخٍ حلاحيل | |
|
| ما هو غلا ...! خوفاً من السيف شامان |
|
حيّف على بيض الحبارى بتذليل | |
|
| ومن مدّ يدّه عاد مقطوع الايمان |
|
أربع قرونٍ في رفاهه وتدليل | |
|
| محدٍ يقربله من الإنس والجان |
|
واليوم نسمع للحبارى ولاويل | |
|
| وشلون عقب العزّ تبكي وتنهان |
|
ب ارض الجّزيره ساد حكمه بلا ميل | |
|
| يحكم بشرع الله وللعدل ميزان |
|
باطراف فارس خذ دليلٍ وتحليل | |
|
| في هرمْز لحيزا دليلٍ وبرهان |
|
مع مقرْن الجبري كسرنا الأساطيل | |
|
| والبرتغالي عاد مذلول خسران |
|
قول وفعل بالسيف والرمح والخيل | |
|
| جيشٍ يهز المعركه وين ما كان |
|
واللي يعاديهم يشوف التهاويل | |
|
| ويذوق طعم المرّ من كفّ شجعان |
|
ما هي علوم مجمعين الاقاويل | |
|
| اللي سوالفهم بزيفٍ وبهتان |
|
علمٍ صحيح ولا على العلم تظليل | |
|
| تاريخ عامر شامخٍ فوق ظلعان |
|
لو تنشد الأتراك عن وافي الكيل | |
|
| تاخذ صحيح العلم من دون نقصان |
|
با ارض الحسا دارت رحى الموت والويل | |
|
| مع ماجد عريعر شبابٍ وشيبان |
|
حشّد جنودٍ تطوي البيد كالسيل | |
|
| اليا انحدر مع واديٍ صار طوفان |
|
واللي يبدل صادق الهرج تبديل | |
|
| لو نسكت....التاريخ ينطق به لسان |
|
هبس الخوالد للمكارم مداهيل | |
|
| أصل الكرم للحيز مبدأ ونيشان |
|
طيبٍ يخالط ريحة البن والهيل | |
|
| منا ذعاع الطيب نرجس وريحان |
|
هذا وصلوا عدّ زرع ومحاصيل | |
|
| على النبي الهاشمي نسل عدنان |
|