تاريخ الاضافة
الخميس، 10 نوفمبر 2016 11:56:57 م بواسطة الشمالي جمهور سفر العصيمي
1 242
خادم الحرمين الشريفين
ياسيـــدي ماني ابي سلمى زهير
حتى ولاني مثل شاعــــــــركم خَلَف
رجلٌ عصــــامي عبد لِلّه وفقير
شاعر بدو وإن طاح فالجمري شَلَف
يدري بأن الكـــذب له حبلٍ قصير
والشعر إحساس أو تخيّــــُل أو بَلَف
لكني اْكتب ما يخالج للضـــــــمير
واْجـــــمع نوادر ماكـتـبـته في مَلَف
حبٌ يفوق الحـــــب عند ام الغرير
قلبٍ على حبك وتقــــــــديرك وَلَف
وإذا نسجته زين بســــلوك الحرير
الورد والريحان ســـــــــوّيته غَلَف
أقـــدّمه إهداء مقطـــــــــوع النظير
لأبو الجمـــيع ألّي على عياله أَلَف
من يوم قمت بخير من فوق السرير
الشر زايل عنك والخاســــــي ذَلَف
يارب ما تشــــكي من البرد وهجير
ولا تشــــتكي همٍ ولا تشكي صَلَف
انا من الفرحـــه أغنّــــــي واْستدير
واْنّقر على طار الشمـــالي والزَلَف
وان عاد ابو متـــعب ابنحر لي بعير
حتى لو القيمه مجمّـــــــــعها سَلَف
ماعاد أفكّر لو يصيـــر ألّي يصيـــر
لو كان ما حصّلت لطــيوري عَلَف
وابختصر بيــــــــــتين قدام الأخير
أعضاي فدوى لك ولو راحت تَلَف
طب وتخيّـــــر في حلالك واستخير
أقل ما يُهـــــــــــدى ولا فيها كَلَف
من هامتي لين اصبع الرجل الصغير
هدية عصــــيمي علاها قد حَلَف
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي242
لاتوجد تعليقات