تاريخ الاضافة
السبت، 17 مارس 2007 05:57:09 م بواسطة محمد أسامة
0 1114
ماتقلقيش
ماتقلقيش
ياقصيدة ف الصفوف
جاي وقت
وكل الناس تشوف
ليه هانقلق ؟
ونمللا القلب خوف
والحقيقة
واحدة ماهيش صنوف
يحضنها
كل عقل لأمين ملهوف
هي دي قسمتك
والزمان بيعوف
نحس
رغم ضعفنا بنبض ألـوف
وجاي وقت
ومسير
الناس تشوف
الحقايق ، والثوابت ، والظروف
وخلينا نحلم
مهما كانت أحلامنا
آيلة للسقوط
الأدمي مش يائس
ولاعنديش قنوط
السفاين مهما تبحر
مسيرها ترسي ع الشطوط.
هدي حيلي وسهريني
وطلعيني ونزليني
أنت عشقي بعد ديني
أنت حضن ولم همي
من حياتي وطول سنيني
أنت بوحي من جراحي
وفي الأغاني بتطربيني
وساعات بتعلميني
معني الخير
وبتلزميني
واوقات تانية تأزميني
تبعديني وتقربيني
وف عوالم م القلق
تغربيني
ويجي الفرج وتفرحيني
يافرج الله يامنجيني.
ليه النهارده بقلقك
تقلقي وتقلقيني
تكونيش ناوية تسيبيني؟
ماتقلقيش.
ياقصيدة ف الصفوف
جاي وقت
وكل الناس تشوف
ليه هانقلق ؟
ونمللا القلب خوف
والحقيقة
واحدة ماهيش صنوف
يحضنها
كل عقل لأمين ملهوف
هي دي قسمتك
والزمان بيعوف
نحس
رغم ضعفنا بنبض ألـوف
وجاي وقت
ومسير
الناس تشوف
******
إسم الشاعرإسم الكاتبالبلدإسم القسمالمشاهدات
محمد أسامة البهائىمحمدأسامةالبهائىمصر☆ شعراء العامية في العصر الحديث1114