 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| أصل الحكاية يا وطن |
| لحظة واحدة هحكيها لك |
| الحر فيك اللى إتسجن |
| حتى فتش عرض حالك |
| لما كنا صغيرين |
| ياما فيك جينا ورحنا |
| ولما شىء يئلم نفوسنا |
| كنت بتطيب جروحنا |
| ليه تسلم فيك مصيرنا |
| للى موتنا ودبحنا |
| كنا بنسيب نفسنا |
| تحت ضل غصون غيطانك |
| كنا غصة ف حلق أى |
| حد فكر مره خانك |
| ياما ضحينا... إتحرمنا |
| لجل بس يؤون أوانك |
| كنا نغزل نور سماك |
| لجل نسمع صوت أدانك |
| لما يزعل نهر نيلك |
| يشاركه حزنه ماء ليطانك |
| ياللى محبوس جوا حزنك |
| ياللى مسجون فوق هوانك |
| الحكاية سهلة جدا |
| هات بسرعه قوام ودانك |
| سيب شعوبك تنفرد |
| باللى باعك واللى خانك |
| يا يمن قوم شد حيلك |
| وارجع تانى هات يمانك |
| واطرد الهادى وصالح |
| وولى أمرك خير حسانك |
| ويا حجاز عيدى تاريخك |
| وإعدلى مقلوب ميزانك |
| وانتى يا بغداد تعالى |
| واقطعى وسواس شيطانك |
| قلبى مفطور لك يا سوريا |
| لجل طول ظلمة هوانك |
| لجل طفل كل ذنبه |
| داب فى خمرة طين غيطانك |
| مصر يامو الدنيا فينك؟ |
| أين طروادة حصانك |
| فين شعوبك يا بلادنا |
| ليه سكوتك ليه هوانك؟ |
| أمة الإسلام أفيقى |
| واستوى وشدى ف عيدانك |
| لما تبقى أمة واحده |
| البعيد هيهاب مكانك |
| يا شعوبنا قومه واحده |
| تنهى كل سنين هوانك |
| هفضل أدعى يا رب ثوره |
| لجل ترجع كل حره |
| كل مظلوم للمدينه |
| هفضل أدعى كل دولة |
| كل شط وكل مينا |
| حتى نثأر م اللى خانوا |
| واللى قطعوا حبال بلدنا |
| واللى سهروا ف ليل هوانه |
| هفضل أدعى يا رب ثوره |
| لجل يرجع يوم ميدانك |
| هفضل أدعى يا رب ثورة |
| لحد ما أشوف ضحكة غيطانك.. |
| لحد يا بلدى ما نهر نيلك |
| يحضن نهر نيل ليطانك |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
