تاريخ الاضافة
الأحد، 18 مارس 2007 07:53:42 ص بواسطة L!Ly
0 1886
ياطاهرة
يا بنت أنا ماني كذا .. و ظنونك تكـذّب عليـك
كلّي عيوب و ما قوت تخجلني ظنونـك وأتـوب
أكذب عليك و دوم أخونك و ألبس الأبيض و أجيك
و أعشق معك ألفين وجه و يمتلي صدري قلـوب
أحلى الكلام أقول لـك لـو قلتـه البـارح لذيـك
ياقف على شفاهي معك مراهـقٍ صـبٍّ لعـوب
أكذب و لا أدري ليه أكذب أعشقك مـاأرتجيـك
أخاف من صدق الحقيقة في الهروب من الهـروب
و الله أحبك و أعشقك و أعرف زمان لـي أبيـك
لكنهـا هـذي الحيـاة اتعلمـت منـا الـذنـوب
العين عجزت تعتقـك .. القلـب عيـا يشتريـك
في السجن خيّالٍ وفي .. في الصدر رجالٍ كـذوب
هذي الحقيقة ما يجي في الكون أطهر مـن يديـك
و أنا الذي أنقض وضوء الغيم و الماء و الهبـوب
أنقض عيوبي فوق متني و انتي لعيبـك شريـك
و باكر تبسم لي وجيـهٍ لـك يعبّسهـا الشحـوب
يا طاهرة حنـا كـذا و المظهـر يكـذّب عليـك
يمكن يجي يومٍ يجي نخجل من ظنونك ..نتـوب
إسم الشاعرالبلدإسم القسمالمشاهدات
طلال الرشيدالسعودية☆ شعراء العامية في العصر الحديث1886