عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيد يوسف مرسي > هدي تعدي

مصر

مشاهدة
387

إعجاب
2

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

هدي تعدي

يا اللي معارض هدي تعدي
قبل ما تنسي إنك مدي
السياف واقف علي الباب
عنده أوامر يجز رقبتي
وطي دماغك تبقي أفندي
من غير غاغة أو زمارة
وطبلة تضرب في راس الحارة
أحكي حكايتك واقعد جنبي
واخفض صوتك وأوعي تعلي
فيه طيارة ليها سنارة
جايز تاخدك قبل ما تدري
عيش أيامك وبدل حلمك
لسه كتير عليك وبدري
كل الناس ليها حجارة
أما حجارتك طين ورملي
جاتك نيلة يا واكل ناسك
عايز تلبس بدله وتبقي إفرنجي
ناسي أبوك وناسي جدك
وضارب الحزمة ورابط خصرك
وناس إن الدنيا لينا مقلوبة
من أيام السيد أبو عرقوبة
تدينا وش وبناكل مش
والمسكين ما قادر ينش
ما إحنا أموات في عصر صاجات
واللي قتلنا أبوه هتهات
من أيام عمنا مينا
واللي يصقف ابن لمينا
وإحنا في محنة وفين كلوينا
واللي حاكمنا ليه رقابينا
يا اللي معارض هدي تعدي
فوقنا طيارة ليها هدير
زى العاصفة وعاملة زئير
إيه لو يعني كانت العيشه،
جو مغا رة
ما الصياد ليه سنارة
لو عايز يصيدك في ضربة حظ
قبل ما تلحظ وعينك تبص
تاخدك غارة في الدوامة
يا له وقولي فين الشاطر أبو شطارة؟
نازل تغني علي الزمارة
وطبلك يضرب وعامل غاغة
آه لو شافك عمي غبارة
وسجل اسمك بإس الجارة
رحت في داهية ودخلت مغارة
يا اللي معارض هدي تعدي
عايز تشرب سم الدردي
وتنسي عيالك وتطلع تجري
وأمك تصرخ وتنزل تبكي
ما إحنا تمام وفي أحسن حال
شوف حوالينا بلاد الشام
كل ديارها صارت ركام
حتى الناس ملاقية خيام
والأموات كام تعد
واللحاد راح يكد
كأن الدنيا ما راضية تهد
ذنب وكاسر بعد ممات
بص بعينك وحكم عقلك
شدة تزول ولا حد يموت
بكرة ها تفرج وناكل توت
والعطشان ها يشرب صاقع
يعني قازوزة وشربات ناقع
والجوعان ها يقول لحمة
مهما كانت الناس وكانت الزحمة
سيد يوسف مرسي

عامية
التعديل بواسطة: سيد يوسف مرسي
الإضافة: الأربعاء 2017/01/18 01:30:04 صباحاً
التعديل: الأربعاء 2017/01/18 02:28:43 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com