تاريخ الاضافة
الثلاثاء، 7 فبراير 2017 01:17:19 ص بواسطة عبد العلي فيلالي بالحاج
0 243
بعتيني وشريتي غيري
بعتيني وشريتي فيومك غيري
وانا لي كنت نتمنى تكوني ليا
ايلا بعتي انا ما نبيعش ضميري
ما نزيدك غير ميات الف هنيا
وحدي بين حبابي ووناسي
نتجرع مرارة كاسك وكاسي
كليمة ولا بد نقولها باحساسي
وخا فات لفوت وما فيها مزيا
لي خلاك خليه وطوي كتابو
يهنى ويسعد ويلقى مكتابو
اما لي بحالي غلط فحسابو
الكية بردت و العمدة عليا
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. عامِّي243
لاتوجد تعليقات