ابوفيصل عبدالله العنزي راعي الشعلا
|
يامعشر الشعار وش ذا الفتريا | |
|
| ماغير صح البوح رووعة وابداع |
|
يا من يجاريني على صدر الاريا | |
|
| يروي ضما متعطش القاف بتاع |
|
|
|
طاب السهر معكم وطاب السمريا | |
|
| دام السهر يبري جروحي والاوجاع |
|
ونا ليا من صاب روحي كدريا | |
|
| زبنت صاحب يشري الود ما باع |
|
والصاحب اللي صاح يأمر امريا | |
|
| راعي البيوت اللي له الحرف مطواع |
|
ما شفت مثله بالبدو والحضريا | |
|
| مثل المزون أن هلهلت تروي القاع |
|
وأشهد شهادة جبتها من فكريا | |
|
| بعض المجالس شبه شاهي بنعناع |
|
لا ساسها منهو بعيد النظريا | |
|
| في لمتن شروى النشامى بها امتاع |
|
والسمع ما هو مثل شوف البصريا | |
|
| والفرق واضح بين شوفك والاسماع |
|
يا مسندي والشوق يكسر ظهريا | |
|
| من سبة اللي ساكنه جو الاظلاع |
|
راح الشهر ثم هل ثاني شهريا | |
|
| واصويحبي ساق الغلا بالتدلاع |
|
والشوق يذبحني ولا لي صبريا | |
|
| وش حيلتي لا جيت يم الغضي فاع |
|
وانا حضرت اليوم مع من حضريا | |
|
| وطيت سوق القاف شاري وبياع |
|
قلبي خضر والكل قلبه خضريا | |
|
| وإن جيت ابشكي ما لي اليوم سماع |
|
قولوا لأبو فيصل عليه الصبريا | |
|
| لا شاقه اللي له خوافيه مرباع |
|
والشوق ذيبن ما يعرف العذريا | |
|
| ينهش حنايا خافقك كل ما جاع |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
